TRENDING:
ही घटना शनिवारी दुपारी घडली. वैजापूर तालुक्यातील राहणाऱ्या 38 वर्षीय संदीप दशरथ मातकर, असं मृत ड्रायव्हरचं नाव आहे. संदीपकडे MH 17 CV 2227 या नंबरची आयशर ट्रक होती. संदीप मातकर लाडगावातील भारत पेट्रोलियम पंपावर आयशर ट्रकमध्ये पेट्रोल भरण्यासाठी उभा होता. त्यांनी ट्रकमध्ये पेट्रोल भरल्यानंतर पेट्रोलची पाहणी करण्यासाठी खाली उतरला. तेवढ्यात ट्रक पुढे जात असल्याचं संदीपला आढळलं. तेवढ्यात त्याने ट्रकच्या केबिनमध्ये चढण्याचा प्रयत्न केला. पण तोपर्यंत वाहन नियंत्रणाबाहेर गेले आणि पेट्रोल पंपावर पार्क केलेल्या MH 17 BD 2227 या ट्रकला धडक बसली. या दोन्हीही ट्रकच्या धडकेमध्ये ड्रायव्हर अडकला होता. या धडकेमध्ये ड्रायव्हर गंभीर जखमी झाला होता.
advertisement
पण त्यानंतर त्याचा मृत्यू झाला असल्याची माहिती पोलिसांना मिळाली आहे. ट्रकच्या धडकेमध्ये ड्रायव्हरचा मृत्यू झाल्यामुळे वैजापूर तालुक्यामध्ये शोककळा पसरली आहे. या घटनेनंतर आता पुन्हा एकदा पेट्रोलपंपावर देण्यात येणाऱ्या नियमांचे पालन करणे किती महत्त्वाचे आहे. याबद्दल आपल्याला कळते. दरम्यान, अनेकदा पेट्रोल पंपावर वाहनांमध्ये पेट्रोल भरत असताना मोबाईल वर बोलू नका किंवा वाहनामध्ये ज्वलनशील पदार्थ ठेवू नये, अशा अनेक नियमांची माहिती वाहन चालकांना दिली जाते.