TRENDING:
रासायनिक रंगांच्या दुष्परिणामांविषयी विद्यार्थ्यांना मार्गदर्शन करण्यात आले. त्वचा, डोळे आणि पर्यावरणाचे नुकसान टाळण्यासाठी नैसर्गिक रंगांचा वापर करण्याचे आवाहन करण्यात आले. फुलांच्या पाकळ्या, हळद, बेसन, पालक, कडुनिंब यांसारख्या घरगुती घटकांपासून सुरक्षित रंग कसे तयार करावेत, याची माहितीही देण्यात आली. विद्यार्थ्यांनी नैसर्गिक रंगांनी धुलिवंदन साजरे करण्याचा निर्धार व्यक्त केला.
याचबरोबर पाणी वाचवा – भविष्य वाचवा – भविष्य घडवा हा संदेश देत पाण्याचा अपव्यय टाळण्याची सामूहिक जलप्रतिज्ञा घेण्यात आली. अंधश्रद्धा, व्यसन, स्वच्छतेचा अभाव, पर्यावरण प्रदूषण, मोबाईलचे व्यसन, भांडणतंटे आणि द्वेषभावना अशा दुर्गुणांचे फलक तयार करून त्यांचे प्रतीकात्मक दहन करण्यात आले. चांगल्या सवयी अंगीकारूया, स्वच्छ आणि सुंदर गाव घडवूया, व्यसनमुक्त समाज निर्माण करूया अशा घोषणांनी परिसर दणाणून गेला.
advertisement
Video: 33 खंड प्रकाशित, संशोधकांसाठी संधी, डेक्कन कॉलेजमध्ये जगातील सर्वात मोठी संस्कृत डिक्शनरी!
शालेय व्यवस्थापन समितीचे अध्यक्ष खलील पटेल, केंद्रप्रमुख दत्तात्रय दाणेकर, केंद्रीय मुख्याध्यापिका अंजली पुऱ्हे यांच्या मार्गदर्शनाखाली पदवीधर शिक्षक राजेश हिवाळे, मनोज घुले, शंकर राऊत, बसवराज उदे, दिलीप धर्माधिकारी, भाऊसाहेब गाढवे, मनोज मस्के, नीलिमा कुलकर्णी, मुग्धा निमसे, परमेश्वर मस्के, सचिन पाटसकर, शामीर शेख, अली बाकोदा, कल्याणी जगताप यांनी पुढाकार घेऊन यशस्वी आयोजन, अंमलबजावणी केली.
पर्यावरणपूरक होळी, नैसर्गिक रंगांचा वापर आणि जलसंवर्धनाचा संदेश देत ढोरेगाव शाळेने समाजासमोर प्रेरणादायी आदर्श निर्माण केला असून या उपक्रमाचे ग्रामस्थांकडून कौतुक करण्यात आले.