TRENDING:
अर्थमंत्री अजित पवार यांच्या अपघाती निधनानंतर मुख्यमंत्री देवेंद्र फडणवीस यांनी राज्याचा अर्थसंकल्प सादर केला. अर्थसंकल्पात कृषि, उद्योग, पायाभूत सुविधा, ग्रामीण विकास आदी क्षेत्राशी संबंधित महत्त्वाच्या घोषणा करण्यात आल्या. महिलांसाठी कोणत्या घोषणा असणार याकडे महिला भगिनींचे लक्ष लागले होते. तसेच लाडक्या बहिणींना पुढच्या महिन्यापासून २१०० रूपये मिळणार का? असा सवालही विचारला जात होता. परंतु अर्थसंकल्पात कोणतेही ठोस उत्तर न देता मुख्यमंत्री फडणवीस यांनी 'भरघोस निधी' यावर वेळ मारून नेली.
advertisement
मुख्यमंत्री माझी लाडकी बहिण योजनेसाठी भरीव तरतूद करण्यात आली आहे, असे सांगून १५०० रूपयांचे २१०० रूपये कधी, या प्रश्नाचे उत्तर मुख्यमंत्री फडणवीस यांनी अजूनही अनुत्तरित ठेवले. यावेळी मात्र त्यांनी महिलांसाठी खास योजना जाहीर केल्या.
अर्थसंकल्पात महिलांसाठी योजना काय?
- मुख्यमंत्री माझी लाडकी बहिण योजनेसाठी भरीव तरतूद
-अंगणवाडी सेविकांना आर्थिक नियोजनाबाबत प्रशिक्षण, योजनेतील लाभार्थ्यांना आर्थिक साक्षर करुन लाभाचे व्यवस्थापन, गुंतवणुकीचे मार्गदर्शन करणार.
-एकल महिला धोरण सर्व जिल्ह्यात एकल महिलांचे सर्वेक्षण सुरु असून, अहवालाचे विश्लेषण करुन धोरण आणणार.
-लखपती दिदी: राज्यात २७ लाख लखपती दिदी झाल्या, २०२६-२७ मध्ये आणखी २५ लाख लखपती दिदी करणार.
-महिला बचतगटांच्या वस्तु उत्पादन, विक्रीसाठी १३ जिल्ह्यात उमेद मॉल