Success Story : पारंपरिक व्यवसायाला विदेशी बाजारपेठेचं स्वरूप, दैवशाला बनवतात लाकडी वस्तू, महिन्याला 2 लाखांची उलाढाल

पुणे :  मूळच्या जामखेड तालुक्यातील दैवशाला घोळवे सध्या पुण्यात लाकडी वस्तू विक्रीचा व्यवसाय करत आहेत. चार पिढ्यांपासून चालत आलेला हा पारंपरिक व्यवसाय त्यांनी मोठ्या बाजारपेठेत उभा केला आहे. काटवट, बेलन तसेच स्वयंपाकघरात लागणाऱ्या विविध लाकडी वस्तू त्या स्वतः तयार करतात आणि पुण्यासह अनेक ठिकाणी विक्रीसाठी पाठवतात. कुटुंबात कोणीही शिक्षित नाही, तसेच शेत जमीनही नाही. मात्र या व्यवसायाच्या जोरावरच त्यांच्या संपूर्ण कुटुंबाचा उदरनिर्वाह चालतो. महिन्याला तब्बल 2 लाखांची उलाढाल त्या या व्यवसायातून करतात. त्यांच्या वस्तूंना देशभरासह प्रदेशात देखील मोठ्या प्रमाणात मागणी आहे. त्यांच्या या व्यवसायाविषयी त्यांनी लोकल 18 ला माहिती दिली आहे.