TRENDING:
अखिल भारतीय काँग्रेस कमिटीच्या निरीक्षक संगीता बेनिवाल यांच्या गाडीला हा अपघात झाला आहे. काँग्रेसच्या संघटन सृजन अभियानातून तुमसरचा नियोजित दौरा आटोपून परतीच्या प्रवासात असलेल्या अखिल भारतीय काँग्रेस कमिटीच्या निरीक्षक संगीता बेनिवाल यांच्या चारचाकी गाडीला खापा चौकात अपघात घडला.
मिळालेल्या माहितीनुसार, हा अपघात आज सायंकाळी ६.३० वाजे दरम्यान घडला.रामटेकमार्गे गोंदियाच्या दिशेने येणाऱ्या एका खासगी गाडीने खापा चौकात बेनिवाल यांच्या गाडीला जबर धडक दिली. अपघातात कुणीच जखमी झालं नसलं तरी बेनिवाल यांच्या एमएच ३१ एफबी ९००१ क्रमांकाच्या गाडीला उजव्या बाजूच्या दर्शनी भागाचा चक्काचूर झाला आहे.
advertisement
ज्यावेळी अपघात झाला, तेव्हा त्यांच्या गाडीत राज्य पर्यवेक्षक कुंदा राऊत आणि काँग्रेसच्या महिला जिल्हा अध्यक्ष जयश्री बोरकर आणि त्यांचे पीए देखील होते. मिळालेल्या माहितीनुसार बेनिवाल यांच्या ताफ्यातील स्वतंत्र गाडीत काँग्रेसचे जिल्हाध्यक्ष मोहन पंचभाई हे देखील प्रवासात होते. ताफा भंडाऱ्याच्या दिशेनं निघाला होता, त्यातच गोंदियाला जाणाऱ्या गाडीचा अंदाज चुकल्याने अपघात झाला आहे.