ती जीवाच्या आकांतानं ओरड होती पण तो..; 4 वर्षांच्या चिमुरडीवर वृद्धाचा अत्याचार, धाराशिव हादरलं!

घटनेबाबत अधिक माहिती अशी की, चार वर्षांच्या चिमुरडीवर 52 वर्षांच्या व्यक्तीनं बलात्कार केल्याची धक्कादायक घटना  उमरगा शहरात घडली आहे. आईसोबत आजोळी आलेली मुलगी रस्त्यावर खेळत असताना कर्नाटक राज्यातील बसवकल्याण येथील 52 वर्षीय व्यक्तीने तिला पैशाचे आमिष दाखवत कडेवर उचलले व रस्त्याच्या बाजून नेत तिच्यावर अत्याचार केला.

ही बाब लक्षात येताच एकच गोंधळ उडाला , जमावाने 52 वर्षीय आरोपीला चांगला चोप दिला त्याच्याविरोधात उमरगा पोलीस ठाण्यात  गुन्हा दाखल करण्यात आला असून, मुलीला उपचारासाठी रुग्णालयात दाखल करण्यात आलं आहे. या चिमुरडीची प्रकृती गंभीर असल्याची माहिती समोर आली आहे. या धक्कादायक प्रकारानं जिल्ह्यात खळबळ उडाली असून, घटनेबाबत अधिक तपास सुरू असल्याची माहिती पोलिसांनी दिली.

advertisement