धाराशिवमध्ये पैसे वाटप प्रकरणात अदखलपात्र गुन्हा दाखल, ओमराजे पोलिसांवर संतापले, थेट जिल्हाधिकाऱ्यांना फोन

भारतीय दंड विधान संहिता कलम 171 व लोकप्रतिनित्व कायदा  कलम 123(1) अंतर्गत लातूर जिल्ह्यातील किल्लारी येथे गुन्हा दाखल करण्यात आला आहे. मात्र पोलिसांनी या प्रकरणात अदखलपात्र गुन्हा नोंद केल्यानं महाविकास आघाडीचे उमेदवार ओमराजे निंबाळकर चांगलेच संतप्त झाले आहेत. त्यांचा याच मुद्द्यावरून लातूरचे पोलीस अधीक्षक आणि धाराशिवचे जिल्हाधिकारी यांच्यासोबत फोनवरून वाद झाला आहे.

advertisement

या प्रकरणात अदखलपात्र गुन्हा दाखल करण्यात आल्यानं ओमराजे निंबाळकर चांगलेच आक्रमक झाले आहेत. ओमराजे निंबाळकर यांनी याबाबत लातूरचे पोलीस अधीक्षक आणि धाराशिवचे जिल्हाधिकारी यांना फोन करून जाब विचारला. निवडणुकीत पैसे वाटप करण्याचे प्रकरण गंभीर असताना अदखलपात्र गुन्हा कसा नोंद केला असा सवाल ओमराजे यांनी उपस्थित केला आहे. दरम्यान त्यानंतर जिल्हाकारी सचिन ओम्बासे यांच्याकडून या प्रकरणात पोलीस कारवाईचा प्रस्ताव दाखल करण्याचे अश्वासन ओमराजे निंबाळकर यांना देण्यात आले आहे.