दहा दिवसांपूर्वी लग्न, किल्ल्यावर फिरायला गेलेल्या नववधूला फोटो काढणं बेतलं जीवावर, तरुणीचा मृत्यू

याबाबत मिळालेली माहिती अशी की, तुळजापूर तालुक्यातली हरगंगा गावची तरुणी नळदुर्ग किल्ल्यावर फिरायला आली होती. दहा दिवसांपूर्वीच तिचं लग्न झालं होतं. लग्नानंतर फिरायला ती किल्ल्यावर आली होती. तेव्हा नळदुर्ग किल्ल्यातल्या उपळाई बुरुजावर ती सेल्फी घेत होती. तेव्हा तोल जाऊन ती खाली पडली.

तरुणी बुरुजावरून खाली पडल्यानं गंभीर जखमी झाली होती. तिला उपचारासाठी सोलापूरमध्ये खासगी रुग्णालयात दाखल कऱण्यात आले. मात्र डॉक्टरांनी तिचा मृत्यू झाल्याचं सांगितलं. निलोफर अमीर शेख असं २२ वर्षीय तरुणीचं नाव आहे. दहा दिवसांपूर्वीच तिचं लग्न झालं होतं.

advertisement