मिळालेल्या माहितीनुसार, निवडणूक आचारसंहितेच्या पार्श्वभूमीवर आयोगाने शहरात येणाऱ्या प्रत्येक वाहनावर काटेकोर पाळत ठेवली आहे. त्याचाच एक भाग म्हणून आयोगाच्या पथकाने शहराच्या मुख्य प्रवेशद्वारावर एक वाहन थांबवून तपासणी केली. वाहनातील सर्व कागदपत्रे तपासल्यानंतर अधिकाऱ्यांना वाहनातील व्यक्तींच्या संशयास्पद हालचाली दिसून आल्या. पुढील तपासात वाहनातून मोठी रोकड आढळताच पथकाने तत्काळ ती जप्त केली आणि संबंधित व्यक्तींना चौकशीसाठी ताब्यात घेतले.
advertisement
निवडणूक आयोगाची मोठी कारवाई
निवडणूक काळात मोठ्या प्रमाणावर रोख रक्कम, महागड्या वस्तू किंवा इतर साहित्य मतदारांपर्यंत पोहोचवून मतांवर प्रभाव टाकण्याचा प्रयत्न केला जातो, अशी तक्रार आयोगाकडे अनेक वेळा नोंद होत असते. त्यानुसारच आयोगाने या निवडणुकीत विशेष पथके तैनात केली आहेत. संगमनेरमध्ये झालेली ही कारवाई देखील त्याच अनुषंगाने महत्त्वाची मानली जाते.
१ कोटी रुपयांची रक्कम नेमकी कुणाची? कुठे जाणार होती?
संगमनेरमध्ये सापडलेली १ कोटी रुपयांची रक्कम नेमकी कुणाची होती आणि कुठे जाणार होती? असा प्रश्न सामान्य जनता विचारत आहे. या रकमेचा राजकीय व्यवहाराशी काही संबंध आहे का, किंवा ती इतर कोणत्या व्यवहारासाठी रक्कम वापरली जाणार होती का, याचा तपास निवडणूक आयोग, पोलिस विभाग आणि संबंधित तपास यंत्रणा करत आहेत.
प्रत्येक वाहनावर 'करडी नजर'
पालिका निवडणुकांच्या पार्श्वभूमीवर एवढी मोठी रोकड मिळाल्याने राजकीय वर्तुळात चर्चा रंगल्या आहेत. निवडणूक आयोगाने शहरात येणाऱ्या प्रत्येक वाहनावर 'करडी नजर' ठेवण्याचे निर्देश दिले असून पुढील काही दिवस तपासणी अधिक कडक राहणार आहे.