याबाबत मिळालेल्या माहितीनुसार, विशेष गाडी क्रमांक 05017 गोमती नगर-पुणे-पनवेल- गोमती नगर ही रिंग रेल्वे उत्तर पूर्व रेल्वेने (एनईआर) रद्द करण्याचा निर्णय घेतला आहे. प्रवासी आरक्षण प्रणाली (पीआरएस) मधील तांत्रिक अडचणीमुळे रिंग रेल्वेच्या चार फेऱ्या रद्द करण्यात आल्या आहेत. गाडी सुटण्याच्या आदल्या दिवशी हा निर्णय जाहीर करण्यात आला.
School Holiday: महाराष्ट्रावर अस्मानी संकट, शनिवारी या जिल्ह्यांतील शाळा, महाविद्यालयांना सुट्टी
advertisement
रेल्वे प्रशासनाने दिलेल्या माहितीनुसार, उत्तर भारतातून मुंबईत येणाऱ्या विशेष रेल्वेगाड्यांना रिटर्न ब्रेक पॉवर सर्टिफिकेटने प्रमाणित केलेलं असतं. याचा अर्थ या गाड्या तीन हजारांहून अधिक किलोमीटरपर्यंत तात्पुरत्या देखभालीसह धावण्यासाठी सक्षम असतात. यामुळे विशेष गाड्या शहरातील छत्रपती शिवाजी महाराज टर्मिनस, लोकमान्य टिळक टर्मिनस येथे न आणता कल्याण, पनवेल आणि कर्जत रेल्वे स्थानकांत आणून त्याच स्थानकातून पुढील प्रवासासाठी मार्गस्थ करण्याचा निर्णय रेल्वे प्रशासनाने घेतला होता.
गोमती नगर-पुणे-पनवेल-गोमती नगर ही रिंग रेल्वे 27 सप्टेंबर, 4 ऑक्टोबर, 11 ऑक्टोबर आणि 18 ऑक्टोबर रोजी धावणार होती. प्रवासी आरक्षण प्रणालीमध्ये तांत्रिक अडचण निर्माण झाल्याने रिंग रेल्वेच्या चार फेऱ्या रद्द करण्याचा निर्णय घेण्यात आला. उत्तर पूर्व रेल्वेने रिंग रेल्वेचा निर्णय घेताना मध्य रेल्वेसह अन्य क्षेत्रीय रेल्वेला विचारणा केली नव्हती. त्यामुळे ही रिंग रेल्वे रद्द करण्यात आली, असंही म्हटलं जात आहे.