TRENDING:
माझ्यासारखे २४२ आमदार आहेत म्हणून तुझा मुख्यमंत्री आहे. मुख्यमंत्र्यांना विचार, सुहास बाबर कोण आहेत? खानापूर-आटपाडीची भाजप, काँग्रेस, राष्ट्रवादी, शिवसेना मीच चालवतो. मी दिसतो शांत पण कार्यक्रम करायला लागलो तर बघ... असे आक्रमक भाषण सुहास बाबर यांनी केले. त्यांच्या याच भाषणाचा व्हिडीओ सोशल मीडियावर व्हायरल झाल्यानंतर भाजपने संताप व्यक्त केला.
एकनाथ शिंदे यांनी सुहास बाबर यांना समज द्यावी
advertisement
आमदार सुहास बाबर यांचे भाषण मी विविध वृत्तवाहिन्यांवर पाहिले. मला वाटते त्यांची ही पहिलीच टर्म आहे. त्यांची भाषा पाहून मला आश्चर्य वाटले. त्यांच्या भाषेबद्दल एकनाथ शिंदे यांनी त्यांना समज द्यावी, असे गिरीश महाजन म्हणाले.
तसेच सुहास बाबर यांचे वडील अनिल बाबर हे माझे अतिशय चांगले मित्र होते. त्यांची माझी जवळपास ३० वर्षांची मैत्री होती. अनेक वर्षांपासून आम्ही सदनातही एकत्र होतो. पण त्यांच्या चिरंजीवाच्या भाषणाने दु:ख झाले, असे महाजन म्हणाले.
मी त्यांना बोललोच नाही, सुहास बाबर यांचे स्पष्टीकरण
आमदार सुहास बाबर यांनी यावर स्पष्टीकरण देताना मी मुख्यमंत्र्यांचा एकेरी उल्लेख केला नाही. तर भाजपच्या तालुक्यातील ज्या स्थानिक पदाधिकाऱ्याने माझ्यावर, माझ्या स्वर्गवासी वडिलांवर आरोप केले, त्यांच्या संदर्भाने मी एकेरी भाषेचा उल्लेख केल्याचा खुलासा केला. आम्ही आणि मुख्यमंत्री सोबत आहोत. ज्याने आमच्यावर टीका केली त्याचा मी एकेरी उल्लेख केल्याचे आमदार सुहास बाबर म्हणाले. मी मुख्यमंत्र्यांचा एकेरी उल्लेख केला, असे विरोधक अपप्रचार करत असल्याचा आरोप बाबर यांनी केला आहे.