हर्षवर्धन सपकाळ यांच्या भूमिकेनंतर स्थानिक पदाधिकाऱ्यांनी नोटीस दिल्यास पक्षश्रेष्ठींचे समाधान होईल अशा स्वरूपाचे उत्तर देऊ अशी प्रतिक्रिया दिली आहे. इतकेच नाही तर आपल्यावर होणाऱ्या कारवाईची माहिती देण्यासाठी आपण स्वतः बाळासाहेब थोरात यांच्याकडे जाणार असल्याचे काँग्रेसचे प्रदेश पदाधिकारी राहुल दिवे यांनी सांगितले.
काँग्रेसमध्ये गटातटाचे राजकारण
हर्षवर्धन सपकाळ यांनी कारवाईचा इशारा दिल्यानंतर आता नाशिकमधील पदाधिकारी थेट बाळासाहेब थोरात यांच्या भेटीला जात असल्याने काँग्रेसमध्ये दोन गट आहेत का? असा प्रश्न निर्माण होत आहे. नाशिक पदाधिकारी कारवाई प्रकरणावरून थोरात आणि सपकाळ असे दोन गट पडण्याची शक्यता निर्माण झाली आहे.
advertisement
नाशिक महापालिकेची संभाव्य गणिते जुळवली खरी पण स्थानिक नेते तोंडघशी
काँग्रेस पक्षश्रेष्ठींचा मनसेसोबत युती करण्यास स्पष्ट विरोध असताना नाशिकच्या स्थानिक नेत्यांनी युती करणार असल्याची जाहीर घोषणा केली खरी परंतु काँग्रेस प्रदेशाध्यक्ष हर्षवर्धन सपकाळ यांनी पदाधिकाऱ्यांचे दावा खोडून काढत संबंधित बैठकीचा घोषणेचा आणि काँग्रेसचा संबंध नाही असे सांगत संबंधित नेत्यांना कारणे दाखवा नोटीस बजावणार असल्याचे त्यांनी स्पष्ट केले.
जे नेते बैठकीला उपस्थित त्यांच्याकडून खुलासा मागवणार
मनसेसोबतच्या बैठकीला जे जे नेते उपस्थित होते, त्यांच्याकडे आम्ही खुलासा मागवणार आहोत. खुलाशानंतर काय कारवाई करायची, हे आम्ही पाहू, असे सपकाळ म्हणाले.