TRENDING:
नेमकं घडलं काय?
जालना जिल्ह्यातील बदनापूर येथील एकाने फायनान्स कंपनीकडून कर्ज काढून दुचाकी घेतली होती. परंतु, आर्थिक अडचणीमुळे गाडीचे काही हप्ते तटले होते. फायनान्सवाले अनेकदा गाडीचा हप्ता मागायला आले. संबंधितानं हप्ते भरलेच नाहीत. शेपटी फायनान्सवाल्यांनी गाडी ओढून नेण्याचा विचार केला. परंतु, त्यांना गाडी सापडलीच नाही.
किरीट सोमय्यांनी घेतली जिल्हाधिकाऱ्यांची भेट, जालन्यात 3500 जन्म दाखले रद्द, प्रकरण काय?
advertisement
थेट नंबर प्लेटच बदलली
फायनान्सवाले हप्ता तटलेली गाडी खात्री करून उचलून घेऊन जातात. आता गाडी उचलून नेणार हे समजल्यावर संबंधित व्यक्तीनं भलतंच डोकं लावलं. आपल्याकडच्या दुसऱ्या एका गाडीची नंबर प्लेट या गाडीला लावली. फायनान्स कंपनीच्या ही बाब लक्षात न आल्याने तो बिनधास्तपणे ही गाडी वापरत होता.
पोलिसांच्या जाळ्यात
दुसऱ्या गाडीची नंबर प्लेट वापरून फायनान्सवाल्यांना हूल देता आली. परंतु, एकाच नंबर प्लेटच्या दोन गाड्या दिसल्याने तो पोलिसांच्या कचाट्यात मात्र अडकला. बदनापूर तालुक्यातून पोलिसांनी आरोपीला ताब्यात घेतलं. आता याप्रकरणाचा अधिक तपास सुरू आहे. पण फायनान्स कंपनीची दिशाभूल करण्याच्या प्रकाराची आता सर्वत्र चर्चा आहे.