TRENDING:
18 जानेवारी 2026 रोजी रविवारी पीडित 13 वर्षीय अल्पवयीन मुलगा आणि त्याचे सहकारी मित्र खेळत होते. त्यावेळी आरोपीने त्या मुलासह त्याच्या मित्रांना चॉकलेटचे आमिष दाखवून आपल्या राहत्या खोलीत बोलावून घेतले. खोलीत गेल्यानंतर आरोपीने दरवाजा बंद करून मुलांना कपडे काढण्यास सांगितले व स्वतःही अश्लील कृत्ये केल्याचा आरोप आहे.
3 पट पैशांचे आमिष, मित्रानेच घातला 1 कोटी 28 लाखांना गंडा, जालन्यात धक्कादायक प्रकार
advertisement
पीडित मुलगा व त्याच्या मित्रांसोबत गैरवर्तन करत, पीडितास जबरदस्ती करण्याचा प्रयत्न केल्याचे तक्रार दाखल झाली आहे. नकार दिल्यानंतर आरोपीने मुलाचा हात पकडून जबरदस्ती करण्याचा प्रयत्न केला. अल्पवयीन मुलाशी जबरदस्ती करत त्याच्याशी अश्लील वर्तन केले. तसेच जीवे मारण्याची धमकी देऊन कुणाला न सांगण्याचा इशारा दिल्याची तक्रार पोलिसांत दिली आहे.
घडलेला प्रकार पीडित मुलाने आपल्या पालकांना सांगितल्यानंतर त्यांनी तत्काळ घनसावंगी पोलीस ठाण्यात धाव घेतली. त्यानुसार संबंधित कलमांखाली गुन्हा दाखल करण्यात आला आहे. पोलिसांनी तत्काळ कारवाई करत आरोपीस अटक केली. न्यायालयात हजर केले असता न्यायालयाने आरोपीला 25 फेब्रुवारीपर्यंत पोलीस कोठडी सुनावली आहे.
या प्रकरणाचा अधिक तपास पोलीस उपनिरीक्षक ए. के. ढाकणे करीत आहेत. दरम्यान, जांबसमर्थ गावात घडलेल्या या प्रकारामुळे परिसरात संताप व्यक्त होत आहे.