TRENDING:
जिल्हा परिषद अध्यक्षपदासाठी मतदान प्रक्रिया पार पडल्यानंतर निकाल जाहीर होण्याच्या सुमारास ही घटना घडली. भाजप आमदार राणाजगजितसिंह पाटील आणि मल्हार पाटील हे जिल्हा परिषद इमारतीतून बाहेर पडत होते. त्याच वेळी जयराजे निंबाळकर हे आपल्या समर्थकांसह समोरून आले. राणा पाटील यांना पाहताच जयराजेंनी मागे बघत 'इकडे बघ' असे म्हणत त्यांना थेट खुन्नस दिली.
advertisement
मोठा राडा टळला
समोर आलेल्या व्हिडीओनुसार, जयराजे निंबाळकर समोरून आल्यानंतर दोघांनीही एकमेकांकडे न बघता पुढे निघाले. यावेळी एकमेकांच्या बाजूने जात असताना जयराजे निंबाळकर आणि राणाजगजितसिंह पाटील यांचा खांदा एकमेकांना लागला. या प्रकारामुळे दोन्ही गटांच्या समर्थकांमध्ये वादाची ठिणगी पडण्याची शक्यता निर्माण झाली होती. मात्र, आमदार राणा पाटील यांनी संयम दाखवत जयराजेंच्या या कृतीकडे पूर्णपणे दुर्लक्ष केले आणि ते शांतपणे पुढे निघून गेले. त्यांच्या या संयमी भूमिकेमुळे मोठा राडा होण्यापासून टळला.
जयराजे यांना पोलीस बंदोबस्तात गर्दीतून काढले बाहेर
घटनेचे गांभीर्य लक्षात घेऊन तिथे तैनात असलेल्या पोलीस प्रशासनाने तात्काळ हालचाली केल्या. जयराजे निंबाळकर आणि त्यांच्या समर्थकांची गर्दी वाढण्यापूर्वीच पोलिसांनी त्यांना पोलीस बंदोबस्तात तिथून सुरक्षितपणे बाहेर काढले. निंबाळकर आणि पाटील या दोन्ही घराण्यांमधील पारंपारिक राजकीय वैर या निमित्ताने पुन्हा एकदा चव्हाट्यावर आले आहे. या घटनेची चर्चा सध्या संपूर्ण जिल्ह्यात रंगली असून, राजकीय वर्तुळात उलटसुलट प्रतिक्रिया उमटत आहेत.
हे ही वाचा :