कोल्हापूरच्या ज्योतिबा मंदिरात भाविकांना लाथाबुक्क्यांनी मारहाण, भक्ताच्या डोक्यात नारळ फोडला, पुजाऱ्यांकडून हल्ला

समोर आलेल्या माहितीनुसार, मंदिरातील सुमारे 15 ते 20 पुजाऱ्यांनी या दोन भाविकांवर अचानक हल्ला केला. पुजारी भाविकांच्या अंगावर अक्षरशः तुटून पडले असून, त्यांना लाथा-बुक्क्यांनी मारहाण केली जात आहे. एवढंच नव्हे, तर काही पुजाऱ्यांनी भाविकांच्या डोक्यात नारळ फोडल्याचंही स्पष्टपणे दिसत आहे.

ही मारहाण नेमकी कशामुळे झाली, याचं कारण अद्याप स्पष्ट झालेलं नाही. कोणत्या वादातून ही घटना घडली, याबाबत अधिकृत माहिती समोर आलेली नाही. मात्र, मंदिरासारख्या पवित्र ठिकाणी घडलेल्या या प्रकारामुळे भाविकांमध्ये संतापाची लाट आहे.

advertisement

दरम्यान, हा व्हिडिओ व्हायरल झाल्यानंतर स्थानिक प्रशासन आणि पोलिस यंत्रणा घटनेची चौकशी करीत आहे. पुजाऱ्यांवर कारवाई व्हावी, अशी मागणी भाविक करीत आहे. दोषींवर कठोर कारवाई करून अशी मागणीही नागरिकांकडून होत आहे.