श्री दत्तांची मूर्ती हालवली
कोल्हापूर, सांगली आणि सातारा जिल्ह्यांमध्ये जोरदार पाऊस झाल्यामुळे, तसेच धरणांमधून पाणी सोडण्यात येत असल्यामुळे कृष्णा-पंचगंगा नद्यांच्या पातळीत मोठी वाढ झाली आहे. यामुळे नृसिंहवाडीतील संगमावर असलेले संगमेश्वर मंदिर पूर्णपणे पाण्याखाली गेले आहे. मुख्य मंदिरात पाणी शिरल्यामुळे श्री दत्तांच्या मूर्तीचे दर्शन आता श्री.प.प. नारायण स्वामी महाराज यांच्या मंदिरात ठेवण्यात आले आहे. तेथे त्रिकाळ पूजा नियमितपणे सुरू आहे.
advertisement
अचानक वाढलेल्या पाण्यामुळे भीतीचं वातावरण
दत्त देव संस्थानचे कर्मचारी आता मंदिर परिसरातील नदीकाठचे साहित्य सुरक्षित ठिकाणी हलवत आहेत. कुरुंदवाड परिसरात नदीचे पाणी शेतांमध्ये शिरू लागल्यामुळे शेतकरी आपल्या मोटारी काढण्यात आणि जनावरांसाठी चारा गोळा करण्यात गुंतले आहेत. कोयना आणि राधानगरी धरणांतून सुरू असलेला विसर्ग आणि जोरदार पावसामुळे शिरोळ तालुक्यात भीतीचे वातावरण निर्माण झाले आहे.
हे ही वाचा : पावसाचा कहर! राजाराम बंधाऱ्यातून 35 हजार क्युसेक पाण्याचा विसर्ग सुरू, प्रशासनाचा हाय अलर्ट!
हे ही वाचा : पाऊस मंदावला तरी धोका कायम! कोयना धरणातून पाण्याचा विसर्ग सुरूच, नदीकाठच्या गावांना सतर्कतेचा इशारा!