TRENDING:
एटीएसने दोन्ही जिल्हा परिषदेच्या शिक्षकांना रविवारी रात्री पुन्हा चौकशीसाठी बोलावलं. त्यांच्या फोनमध्ये काही हॉल तिकिटे आणि पैशांची देवाण-घेवाण केल्याचे पुरावे मिळाले आहेत. एटीएसने दोन्ही शिक्षकांना लातूर पोलिसांच्या ताब्यात दिलंय. लातूर पोलिसांनी एका शिक्षकाला अटकसुद्धा केली आहे.
संजय तुकाराम जाधव, जलिलखा उमरखान पठाण हे दोघेही पैसे घेऊन परीक्षा उत्तीर्ण करण्याचं रॅकेट चालवत असल्याची माहिती समजली. त्यानंतर एटीएसने लातूरमध्ये प्राथमिक चौकशी केली. तेव्हा मोबाईलमधील माहिती, फोन गॅलरीत असलेल्या हॉल तिकीट आणि चॅटिंगबद्दल समाधानकारक खुलासा त्यांना करता आला नाही. तसंच एका विद्यार्थ्याचे हॉल तिकिट पेपर लीक प्रकरणातील संशयिताला पाठवल्याचं समोर आलंय.
advertisement
नव्या कायद्यानुसार गुन्हा दाखल, तपास सीबीआयकडे
एटीएसने संजय तुकाराम जाधव, जलीलखान उमरखान पठाण, इरन्ना मष्णाजी कोनगलवार आणि गंगाधर या चौघांविरोधात नव्या कायद्यानुसार गुन्हा दाखल केला आहे. या प्रकरणाचा तपास सीबीआयकडे सोपवण्यात आला आहे. दुसऱ्या बाजूला एनटीएकडून आयोजित करण्यात आलेली युजीसी नेट परीक्षाही पुढे ढकलण्यात आलीय.