मोठी बातमी: पुणे शहरातील औंध भागात बिबट्याची एन्ट्री, सोसायटीतील CCTV Video, पुणेकर दहशतीत

पुणे शहरातील औंध भागात बिबट्याची एन्ट्री झाली आहे. शहराच्या मध्यवर्ती भागात स्थानिकांना बिबट्या आढळून आल्याने पुणेकरांमध्ये दहशतीचे वातावरण निर्माण झाले आहे. वन विभागाकडून आणि रेस्क्यू टीमकडून बिबट्याच्या शोध सुरू आहे.

सोसायटीच्या आसपास पहाटेच्या वेळी बिबट्याचा संचार

औंध भागातील एका सोसायटीच्या आसपास पहाटेच्या वेळी बिबट्याचा संचार सुरू होता. सोसायटीच्या आवारात काही वेळ घालवल्यानंतर पहाटे चार नंतर बिबट्या दिसेनासा झाला. नंतर मात्र बिबट्याच्या कुठल्याही खुणा मिळून न आल्याची माहिती आहे.

advertisement

बिबट्या पकडण्यासाठी रेस्क्यू टीम पाचारण, वन विभागाचे अधिकारी औंधमध्ये

नागरी भागात बिबट्याचे दर्शन झाल्याने पुणेकर भयभीत झाले आहेत. बिबट्याचा तत्काळ पकडावे, अशी मागणी त्यांनी वन विभागाकडे केली आहे. वन विभागाने देखील तत्काळ पावले उचलून रेस्क्यू टीमला पाचारण केले आहे. थर्मल ड्रोनने बिबट्याचा शोध घेतला जात आहे.