TRENDING:
नाना पटोले विरुद्ध संजय राऊत...
महाविकास आघाडीतील काँग्रेस, शिवसेना ठाकरे गट आणि राष्ट्रवादी काँग्रेस शरद पवार गट या तीन पक्षांच्या नेत्यांमध्ये चर्चा सुरू करण्यात आली. जागा वाटपाच्या चर्चेत ठाकरे गटाकडून संजय राऊत आणि काँग्रेसकडून प्रदेशाध्यक्ष नाना पटोले यांच्याकडे आपल्या पक्षांची सूत्रे होती. नाना पटोले यांनी आक्रमकपणे काँग्रेसची बाजू मांडली. नाना पटोले हे आक्रमक नेते समजले जातात. काही वृत्तांनुसार, जागा वाटपाच्या बैठकीत ठाकरे गटाचे नेते संजय राऊत आणि नाना पटोले यांच्यात खटके उडाले असल्याचे दिसून आले. नाना पटोले यांच्या भूमिकेमुळे मविआमध्ये फूट पडणार का, याची चर्चा सुरू झाली होती.
advertisement
महाविकास आघाडीमध्ये शिवसेना ठाकरे गट स्वबळावर लढण्याची तयारी करत असल्याचे वृत्त समोर आले होते. त्यानंतर काँग्रेस आणि ठाकरे गटाच्या नेत्यांनी हे वृत्त फेटाळून लावले.
बाळासाहेब थोरात समन्वयक...
नाना पटोले यांच्या आक्रमकतेबाबतच्या तक्रारी ठाकरे गटाने काँग्रेस हायकमांड आणि शरद पवार यांच्याकडे केल्याचे वृत्त होते. त्यानंतर आता काँग्रेसने जागा वाटपाची चर्चा आणि ठाकरे गट, राष्ट्रवादी काँग्रेससोबत समन्वय साधण्याची जबाबदारी काँग्रेसचे विधीमंडळ गटनेते बाळासाहेब थोरात यांच्यावर सोपवण्यात आली आहे.
ही रणनीती का?
ठाकरे गटाच्या आक्रमकतेला वेसण घालण्यासाठी काँग्रेसने ही दुहेरी रणनीती आखली असल्याचे म्हटले जात आहे. या माध्यमातून जागा वाटपाच्या चर्चेत काँग्रेस प्रभाव कमी न करण्यावर भर देण्याचा प्रयत्न आहे. यातून काँग्रेस अधिक जागा मिळवण्याचा प्रयत्न करत आहे. त्या माध्यमातून महाविकास आघाडी आघाडीमध्ये अधिक जागा आपल्याकडे घेण्याचा प्रयत्न सुरू असल्याची चर्चा आहे.
इतर संबंधित बातमी :