TRENDING:
ती ३० मिनिटं अन् सुन्न करणारं रुग्णालय!
व्हायरल व्हिडिओमध्ये दिसतंय की, एका महिलेला रुग्णालयात दाखल केलं होतं, पण तिची प्रकृती इतकी खालावली की तिचं हृदय धडधडण्याचं थांबलं. मेडिकल भाषेत सांगायचं तर ती महिला मृत्यूच्या दारात होती. मात्र, तिथे असलेल्या महिला डॉक्टरने आशा सोडली नाही. त्यांनी तातडीने सीपीआर द्यायला सुरुवात केली. सामान्यतः ५-१० मिनिटांनंतर शरीर साथ देत नाही, पण या डॉक्टरने चक्क ३० मिनिटांपर्यंत ही प्रक्रिया सुरू ठेवली. सलग अर्धा तास त्या महिलेच्या हृदयाला कृत्रिमरीत्या पंपिंग करण्यात आलं आणि अचानक रुग्णाच्या शरीरात हालचाल झाली.
advertisement
नेटकरी म्हणाले, हा तर साक्षात देवच
हा व्हिडिओ कुठल्या रुग्णालयातील आहे, हे अद्याप स्पष्ट झालेलं नाही, पण त्या महिला डॉक्टरच्या समर्पणाने नेटकऱ्यांचे डोळे पाणावले आहेत. ३० मिनिटं सतत सीपीआर देणं ही शारीरिक थकवणारी गोष्ट आहे, पण रुग्णाला वाचवण्याच्या ओढीने या डॉक्टरला थकवा जाणवला नसावा," अशा शब्दांत सोशल मीडियावर त्यांचं कौतुक होतंय.
जेव्हा एखाद्या व्यक्तीच्या हृदयाचे ठोके अचानक बंद पडतात, तेव्हा छातीवर जोरात दाब देऊन हृदय पुन्हा सुरू करण्याचा प्रयत्न केला जातो, यालाच सीपीआर (Cardio-Pulmonary Resuscitation) म्हणतात. या डॉक्टरच्या प्रसंगसावधामुळे एका महिलेला पुनर्जन्म मिळाला आहे.