मुंबई क्रिकेट संघटनेच्या अध्यक्षपदाची निवडणूक 12 नोव्हेंबर 2025 ला होणार आहेत. या पदासाठी सहा जण इच्छुक असल्याची माहिती आहे. विद्यमान अध्यक्ष अजिंक्य नाईक, शिवसेना ठाकरे गटाचे आमदार मिलिंद नार्वेकर, भाजप नेते प्रसाद लाड, शरद पवार यांच्या राष्ट्रवादीचे जिंतेंद्र आव्हाड, आणि प्रताप सरनाईक यांचे पूत्र विहंग सरनाईक इच्छुक आहेत. तसेच या निवडणुकीत माजी कर्णधार डायना एडुलजी या देखील अध्यक्षपदाच्या शर्यतीत आहे.
advertisement
सध्या मुंबई क्रिकेट असोसिएशनच्या निवडणुकीची रणधुमाळी सुरू आहे… या निवडणुकीत सर्वपक्षीय नेते उमेदवार वेगवेगळ्या पॅनलमध्ये आणि स्वतंत्रपणे उभे आहेत.या निवडणुकीच्या प्रचार मोहिमेत शिवसेना ठाकरे गटाचे आमदार मिलिंद नार्वेकर यांनी चक्क मतदारांसाठी प्रसारित करण्यात आलेल्या डिजीटल बॅनरवर मुख्यमंत्री देवेंद्र फडणवीस यांच्या सोबतचा फोटो वापरला आहे. त्यामुळे सर्वांच्या भुवया तर उंचावलेल्या आहेत.त्यामुळे ही निवडणूक रंगतदार होणार आहे.
दरम्यान आयसीसी अध्यक्ष जय शहा, मुंबई क्रिकेट संघटनेचे स्टॉलवर्ट शरद पवार, मुख्यमंत्री देवेंद्र फडणवीस, शिवसेना पक्षप्रमुख उद्धव ठाकरे, भाजपनेते आशिष शेलार या सर्वांशी मैत्रीपूर्ण संबंध असलेले नार्वेकर मुंबई क्रिकेट संघटनेच्या प्रशासनात गेल्या अनेक वर्षांपासून कार्यरत आहेत. मुंबई ट्वेन्टी20 लीगच्या अध्यक्षपदासह एपेक्स कॉन्सिलचे सदस्यत्वपदी त्यांनी सांभाळलेले आहे.यंदा मोठी झेप घेण्याची तयारी त्यांनी केली आहे. त्यामुळे आता या निवडणुकीत कोण बाजी मारते? हे पाहणे महत्वाचे ठरणार आहे.