...पहिल्या पाचमध्ये कोल्हापूर विमानतळ
जिल्ह्यातील विकासाच्या मुद्द्यावर राजकीय वर्तुळात बंटी विरुद्ध मुन्ना चर्चा चांगलीच रंगली आहे. मुन्ना महाडिक म्हणाले की, "महादेवी हत्तीण प्रकरण आणि सर्किट बेंचच्या स्थापनेत कोल्हापूरची एकजूट दिसली. पण चांगल्या कामाला जाणीवपूर्वक विरोध केला जातो. कोल्हापूरात विमानतळ होणार, असे आम्ही सांगत होतो, त्यावेळी माजी पालकमंत्र्यांनी 'महाडिकांचं विमान कुठे घिरट्या घालतंय बघा, असं म्हणत आमची खिल्ली उडवली होती', आता कोल्हापूराचं विमान देशात पहिल्या पाच क्रमांकांमध्ये आहे", असा दाखला देत मुन्ना महाडिकांनी विरोधकांवर निशाणा साधला.
advertisement
सर्किट बेंचचे खंडपीठात रुपांतर करण्यासाठी प्रयत्न सुरू
मुन्ना महाडिक पुढे म्हणाले की, "गोकूळ दूध संघाला काही मंडळींकडून घरघर लावण्याचा प्रयत्न केला जातोय. महायुतीचा अध्यक्ष असूनही तेथे पूर्ण सत्ता नाही", अशी खंतही त्यांनी बोलून दाखवली. प्रतिष्ठेची महाराष्ट्र केसरी कुस्ती स्पर्धा कोल्हापूरात भरवण्यासाठी प्रयत्नशील असल्याचेही त्यांनी यावेळी सांगितले. कोल्हापूरात सर्किट बेंच झाल्यामुळे आता विकासाचे महाद्वार खुले झाले आहे. या सर्किट बेंचचे खंडपीठात रुपांतर करण्यासाठी महाराष्ट्राचे मुख्यमंत्री देवेंद्र फडणवीस यांचे दहा ते पंधरा दिवसांत प्रस्ताव सादर करणार असल्याचेही खासदार मुन्ना महाडिक यांनी सांगितले.
हे ही वाचा : BMC Election Ameet Satam : साटमांची निवड, भाजपकडून मोठी खेळी, ठाकरेंची बालेकिल्ल्यातच होणार कोंडी?
हे ही वाचा : BJP Mumbai President :बीएमसी निवडणुकीआधी भाजपने भाकरी फिरवली, शेलारांना नारळ, मुंबईची धुरा कोणाकडे?