TRENDING:
महापौरांचे गुजरातच्या मुख्यमंत्र्यांना पत्र
मुंबईच्या महापौर रितू तावडे या लवकरच गुजरातचे मुख्यमंत्री भूपेंद्र पटेल यांना अधिकृत पत्र पाठवणार आहेत. या पत्राद्वारे राणीच्या बागेसाठी किमान एक किंवा दोन आशियाई सिंह देण्याची विनंती केली जाणार आहे. गुजरातमध्ये आशियाई सिंहांचे प्रमाण मोठे असल्याने आणि तेथील हवामानाशी जुळवून घेणारे प्राणी असल्याने ही मागणी करण्यात येत आहे. येत्या काही दिवसांत हा अधिकृत प्रस्ताव गुजरात सरकारला सादर केला जाईल.
advertisement
पर्यटकांची गर्दी वाढवण्यासाठी पालिकेचे पाऊल
राणीच्या बागेत सध्या पेंग्विन, वाघ, बिबट्या आणि हत्ती यांसारखे अनेक प्राणी आहेत. मात्र, गेल्या अनेक वर्षांपासून या ठिकाणी कोणताही मोठा नवीन प्राणी, विशेषतः सिंह दाखल झालेला नाही. पर्यटकांची संख्या वाढवण्यासाठी आणि प्राणिसंग्रहालयात अधिक विविधता आणण्यासाठी महापौरांनी हा पुढाकार घेतला आहे. या नवीन पाहुण्यांच्या आगमनामुळे बच्चेकंपनीसह पर्यटकांच्या उत्साहात भर पडणार आहे.
राणीच्या बागेत सिंहांना ठेवण्यासाठी आवश्यक असलेली जागा, त्यांचे नैसर्गिक अधिवास आणि वैद्यकीय सुविधा पूर्णपणे सज्ज आहेत. सिंहांच्या आरोग्याची आणि सुरक्षेची काळजी घेण्यासाठी विशेष तयारी करण्यात आल्याचे मुंबई महापालिकेच्या अधिकाऱ्यांनी सांगितले.
पेंग्विनमुळे पर्यटकांची गर्दी वाढली...
मुंबई महापालिकेत एकसंध शिवसेनेची सत्ता असताना आदित्य ठाकरे यांच्या पुढाकाराने दक्षिण कोरियातून पेंग्विन आणण्यात आले. जुलै २०१६ मध्ये दक्षिण कोरियाच्या सेऊलहून ८ पेंग्विन आणण्यात आले होते.हंबोल्ड पेंग्विन हे पर्यटकांचे विशेष आर्कषण ठरले आहे. विशेष कक्ष, उत्तम देखभाल आणि पिल्लांच्या जन्मामुळे राणी बागेतील पेंग्विनची संख्या १८ पेक्षा जास्त झाली आहे. पेंग्विन पाहण्यासाठी राणी बागेत विशेष तिकीट काढावे लागते. यामुळे मुंबई महापालिकेच्या उत्पन्नात चांगली भर पडली.