TRENDING:
नागपूरमधून ही धक्कादायक घटना समोर आलीय. नागपूरमधील वसंत नगर परिसरात गेल्या पंधरा ते वीस दिवसांपासून दोन सांडांकडून चांगलाच धुडगूस घातला जात आहे. सांडांच्या लढाईत चांगलाच उपद्रव माजवीला असून लोकांनी त्यांना हाकण्याचा खूप प्रयत्न केला मात्र हे सांड काही मानायलाच तयार नव्हते. त्यांची धुडगूस कायम आहे.
या दोन सांडांनी लढाई केली. त्यांच्या या भयानक लढाईत त्यांनी आजसापच्या गाड्या पाडल्या. त्यांना पळविण्यासाठी लोकांनी त्यांच्यावर पाणी टाकलं, फटाके फोडले, त्यांच्यावर लाठी उगारली पण सांडांची झुंज आणखी तीव्र झाली या झुंजीत परिसरातील दुचाकींची मोठ्या प्रमाणात तोडफोड झाली इतरही साहित्याचे नुकसान झाले.
दरम्यान, परिसरातील नागरिकांमध्ये आणि लहान मुलांमध्ये सांडांच्या वाढत्या उपद्रवामुळे भीतीच वातावरण आहे. या घटनेचा व्हिडीओ समोर आला असून लोकांनी या घटनेविषयी प्रशासनाला पाऊल उचलण्याची विनंती केलीय.