या दहा दिवसांसाठी पर्यायी मार्ग असा
भगूर रस्त्याने देवळाली कॅम्पकडे जाणारी सर्व प्रकारची वाहतूक रेस्ट कॅम्प रोडवरील जोशी रुग्णालयाकडून स्नेहनगर- पेरूमल मार्ग-खंडोबा टेकडी रस्त्याने जोझिला मार्ग येथून सेंट्रल कॅम्प स्कूलमार्गे पुढे जातील.
देवळाली कॅम्पकडून पुढे भगूरकडे जाणारी वाहतूक भगूर नाका क्र. 2 येथून डावीकडे वळण घेत मल्हारी बाबानगरमार्गे बार्न्स स्कूल रोडवरून शिंगवे बहुला-धोंडीरोड, खंडोबा टेकडी, डेअरी फार्म, आनंदरोडने संसरी नाक्याकडे रवाना होतील.
advertisement
भगूरकडे जाणारी जड-अवजड वाहने ही संसरी नाका येथून उजवीकडे वळण घेत आनंदरोडवरून पुढे शिंगवे बहुलामार्गे बार्न्स स्कूलरोडने भगूर नाका क्र.2 कडे रवाना होतील.
या दहा दिवसात कुठल्याही नागरिकांची आणि देवीच्या दर्शनाला येणाऱ्या भाविकांची गैरसोय होऊ नये याकरता पोलीस दलाने या पर्यायी रस्त्यांचा वापर करावा असे जनतेला आवाहन केले आहे.
सैन्याच्या वाहनांना निर्बंध लागू नाही.
या अधिसूचनेनुसार सैन्यदलाच्या सेवेतील कुठल्याही वाहनांना वरील निर्बंध लागू राहणार नाही. या दहा दिवसांच्या कालावधीत सैन्यदलाची वाहने त्यांच्या नेहमीच्या वापरातील रस्त्यांवरून वाहतूक नियमांचे काटेकोरपणे पालन करत ये-जा करतील. तसेच पोलिस, रुग्णवाहिका, अग्निशमन दलाचे बंब, शववाहिका तसेच स्थानिक निवासी नागरिकांच्या वाहनांना निर्बंध लागू राहणार नाही, असे अधिसूचनेत म्हटले आहे.