Nashik News: 55 फूट उंच अन् 50 फूट रुंद आंबेडकर जयंतीनिमित्त उभारली 'लंडन स्कुल ॲाफ इकॉनॉमिक्स'ची प्रतिकृती!

नाशिकच्या शालीमार चौकामध्ये डॉ. बाबासाहेब आंबेडकर संयुक्त जयंती उत्सव समितीच्या माध्यमातून 'लंडन स्कुल ऑफ इकॉनॉमिक्स'ची भव्य दिव्य प्रतिकृती साकारली जाणार आहे. यंदाच्या 135 व्या जयंतीनिमित्त नाशिककरांसाठी भव्य दिव्य आणि डोळे दिपवून टाकणारा सेट उभारला जाणार आहे. डॉ. बाबासाहेब आंबेडकर यांच्या जयंतीसाठी आता अवघे काही दिवसच शिल्लक राहिले आहेत. त्या अनुषंगाने आता 'लंडन स्कुल ऑफ इकॉनॉमिक्स'चा सेट उभारण्यासाठी सुरूवात झालेली आहे. 55 फूट उंच, 50 रूंदी उंचीची प्रतिकृती साकरण्यासाठी शालिमार चौकामध्ये, 15 दिवस आधीपासूनच 25 कारागिर हा डोळेदिपवून टाकणारा सेट उभारण्यासाठी दिवस रात्र मेहनत घेत आहेत.

advertisement

या ऐतिहासिक वास्तूची हुबेहूब प्रतिकृती साकारली जात आहे. ज्या संस्थेतून डॉ. बाबासाहेब आंबेडकर यांनी अर्थशास्रातील सर्वोच्च पदवी मिळवली, त्या 'लंडन स्कुल ऑफ इकॉनॉमिक्स' विद्यापीठाची हुबेहुब प्रतिकृती साकारली जात आहे. खरंतर, हा फक्त देखावा नसून नागरिकांना डॉ. बाबासाहेब आंबेडकरांच्या शैक्षणिक कतृत्वाची आणि आर्थिक विचारांची जाणीव करून देणारा देखावा असणार आहे. "बाबासाहेबांनी आपल्या शिक्षणाच्या जोरावर जगभरात भारताचा ठसा उमटवला. त्यांचे हेच विचार आजच्या पिढीपर्यंत पोहोचावे, यासाठी आम्ही हा देखावा साकारत आहे", अशी प्रतिक्रिया शालिमार चौकातील डॉ. बाबासाहेब आंबेडकर संयुक्त जयंती उत्सव समितीच्या अध्यक्षांनी दिली आहे.