राष्ट्रवादी शरदचंद्र पक्षाचे जिल्हाध्यक्ष सुनील माने यांनी आज राष्ट्रवादी पक्षामध्ये अजित पवार, मंत्री मकरंद पाटील यांच्या उपस्थितीत जाहीर प्रवेश झाला, या पक्ष प्रवेशामुळे राष्ट्रवादी शरदचंद्र पवार पक्षाला मोठा धक्का बसला आहे. नगरपालिका निवडणुकांच्या काळामध्ये झालेल्या या प्रवेशामुळे राष्ट्रवादी शरदचंद्र पवार पक्षाला हा मोठा फटका मानला जातं आहे. तर अजित पवारांच्या राष्ट्रवादीला फायदा असल्याचं बोलले जात आहे. अजित पवार यांच्या उपस्थितीत हा प्रवेश रहिमतपूर येथे पक्षप्रवेश पार पडला.
advertisement
काय म्हणाले अजित पवार?
अजित पवार म्हणाले, सुनील माने यांचा प्रवेश हा पक्षप्रवेश मानत नाही ही घरं वापसी आहे. कार्यकर्ता लोकांच्या लक्षात राहिला पाहिजे तो लोकांच्यात रमला पाहिजे. पुणे जिल्ह्यान दिलं नाही तेवढं सातारा जिल्ह्यानं भरभरून प्रेम दिलं.
सुनील माने हे अजित पवार यांचे निकटवर्तीय
सुनील माने यांच्या सह शेकडो कार्यकर्त्यांनी यावेळी प्रवेश केला. सुनील माने हे अजित पवार यांचे निकटवर्तीय मानले जातात. मात्र राष्ट्रवादीमध्ये दुफळी पडल्यानंतर सुद्धा सुनील माने हे राष्ट्रवादी शरद पवार पक्षासोबत काम करत होते. मात्र निवडणुकीच्या पार्श्वभूमीवर सुनील माने यांना राष्ट्रवादीने गळाला लावले आहे. सुनील माने यांच्या या प्रवेशामुळे जिल्ह्यातील राष्ट्रवादीमध्ये चैतन्य निर्माण झाल्याचं पाहायला मिळतंय. सुनील माने यांच्या या प्रवेशामुळे राष्ट्रवादीला आणि अजित पवारांना पुढील काळात काय फायदा होतोय हे पाहणं महत्वाचं असेल.
मित्र पक्षांना देखील दिला धक्का
तर दुसरीकडे राष्ट्रवादी अजित पवार गटाने काही ठिकाणी आपल्या मित्र पक्षांना देखील धक्का दिला आहे. महापालिका निवडणुकीपूर्वी शिवसेना शिंदे गट आणि भाजपमधील काही नेत्यांनी देखील राष्ट्रवादीमध्ये प्रवेश केला आहे. नगर परिषद आणि नगर पंचायत निवडणुकीसाठी निवडणूक आयोगाने महत्त्वाचा तारखा जाहीर केल्या आहे.