नेमकं काय प्रकरण?
हे प्रकरण सातारा आणि सांगली जिल्ह्यातील आहे. दिव्यांग असल्याचं सांगत माधुरी कल्याण नष्टे आणि अजय कल्याण नष्टे या दोन अधिकाऱ्यांनी एमपीएससीला गंडवलं, असा आरोप विजय वडेट्टीवार यांनी केला आहे. हे दोघेही उपजिल्हाधिकारी पदावर कार्यरत आहेत. माधुरी नष्टे सातारा येथे उपजिल्हाधिकारी तर अजय नष्टे सांगली येथे उपजिल्हाधिकारी म्हणून कार्यरत आहेत. विरोधी पक्षनेते विजय वडेट्टीवार यांनी आरोप केला आहे की, या दोघांनीही 80 टक्के दिव्यांग असल्याचे प्रमाणपत्र मिळवले आहे. हे प्रमाणपत्र बोगस असून, या प्रमाणपत्राच्या आधारे त्यांनी शासकीय नोकरी मिळवण्याचा वडेट्टीवार यांचा दावा आहे.
advertisement
कारवाईची मागणी:
या दोघांच्याही दिव्यांग प्रमाणपत्राची चौकशी करून त्यांचे दिव्यांग प्रमाणपत्र बोगस आढळल्यास त्यांच्यावर फौजदारी गुन्हा दाखल करून त्यांना शासकीय सेवेतून बडतर्फ करण्याची मागणी वडेट्टीवार यांनी केली आहे. या संदर्भात विजय वडेट्टीवार यांनी मुख्यमंत्री एकनाथ शिंदेंना कारवाईची मागणी करणारे पत्र लिहिले आहे. दरम्यान, आता दोन्ही अधिकाऱ्यांवर कारवाई होणार असल्याची सूत्रांची माहिती आहे. मुख्यमंत्री एकनाथ शिंदेंनी या प्रकरणाची माहिती मागवली आहे.
खेडकर प्रकरणाची पुनरावृत्ती:
वादादीत आयएएस अधिकारी पूजा खेडकरने देखील असाचा काहिसा प्रकार केला आहे. आता युपीएससीने देखील पूजा खेडकरवर गुन्हा दाखल केला आहे. खेडकर कुटुंबीयांनी बरीचशी माया जमवल्याचं देखील तपासातून समोर आलं होतं. आता सांगली आणि साताऱ्यातील या नष्टे प्रकरणात नेमकं काय समोर येतंय, ते पाहणं महत्वाचं ठरणार आहे.
विधानसभा निवडणुकीमध्ये तुतारी जोरात वाजणार? चिन्हांबाबत आयोगाचा मोठा निर्णय