TRENDING:
अजित पवार यांच्या विमानाचा खरोखर अपघात की घातपात? यावरून अनेक शंका, संशय आणि प्रश्नांचे वादळ उठले आहे. अपघातावरून अनेक आरोप प्रत्यारोपही झाले आहेत. पण या सगळ्याचा उलगडा ज्या ब्लॅक बॉक्समधून होईल अशी आशा होती तो ब्लॅक बॉक्सच जळाल्याची माहिती आहे. यावरून रोहित पवार यांनी अनेक प्रश्न विचारले आहेत. मात्र रोहित पवार यांच्या प्रश्नांची धार बोथट करणारे विधान सुप्रिया सुळे यांनी केल्याने चर्चा रंगली आहे.
advertisement
सुप्रिया सुळे काय म्हणाल्या?
अजित पवार यांच्या अपघाताच्या अनुषंगाने रोहित पवार यांनी आक्रमकपणे प्रश्न विचारणे सुरू ठेवले आहे. त्यांनी ब्लॅक बॉक्सवरूनही तपास यंत्रणांना विविध प्रश्न विचारले. अजित पवार यांच्यासोबत असलेले ४ मोबाईल मिळतात पण ब्लॅक बॉक्स मात्र जळतो, असा प्रश्न रोहित पवार यांनी विचारला. यावर सुप्रिया सुळे यांना विचारले असता, ब्लॅक बॉक्सच्या बाबतीत बरीच माहिती आहे. मला विश्वास आहे की तांत्रिकदृष्ट्या ब्लॅक बॉक्समधील माहिती मिळेलच. मला त्यात कोणतीच अडचण वाटत नाही, असे त्या म्हणाल्या.
सुप्रिया सुळे यांनी रोहित पवार यांचा दावा खोडला?
ब्लॅक बॉक्ससंबंधी माध्यमांत येणाऱ्या बातम्यांमध्ये किती तथ्य आहे, असे वाटत नाही, असेही सुप्रिया सुळे म्हणाल्या. एकप्रकारे रोहित पवार यांचे ब्लॅक बॉक्ससंबंधीचे दावे सुप्रिया सुळे यांनी खोडून काढल्याची चर्चा राजकीय वर्तुळात आहे. रोहित पवार यांनी आक्रमकपणे बाजू लावून धरलेली असताना सुप्रिया सुळे यांनी मात्र रोहित पवार यांच्या आरोपांची धार बोथट केल्याचेच राजकीय जाणकार सांगतात.
अजित पवार यांच्या विमानातील ब्लॅक बॉक्ससंबंधी रोहित पवार काय म्हणाले?
विमानातील ब्लॅक बॉक्स हा उन्हापासून, आगीपासून, बॉम्बस्फोटापासून सुरक्षित आहे पण राजकारण्यांपासून नाही. अजित पवार यांच्यासोबत असलेले चार मोबाईल फोन अपघाताच्या ठिकाणी मिळून येतात. पण विमानातील ब्लॅकबॉक्स मात्र जळतो, डॅमेज अवस्थेत आढळून येतो, हे न पटणारे आहे, असे रोहित पवार म्हणाले.