दरवर्षी मुंबई आणि राज्यातील इतर महानगरांमध्ये सामान्य माणसाला घर खरेदी करता यावे यासाठी म्हाडा लॉटरी आयोजित करते. 2024 मध्ये म्हाडाने मुंबई विभागासाठी लॉटरी काढली. आता कोकण विभागासाठी लॉटरी काढण्यात येईल. जुलै महिन्यात कोकण विभाग आणि ठाणे शहरांसाठी लॉटरी काढण्यात येईल. म्हाडाच्या कोकण विभागाने गेल्या दीड वर्षात तीन लॉटऱ्या काढल्या असून याद्वारे सुमारे 10 हजार लोकांचे घराचे स्वप्न पूर्ण झाले आहे. आता जुलैमध्ये निघणाऱ्या लॉटरीने अनेकांचं स्वप्न साकार होणार आहे.
advertisement
Horoscope Today: संघर्षाचा काळ संपला, आजचा दिवस खास, पाहा तुमच्या राशीचं भविष्य
ठाण्यात सर्वाधिक घरे
कोकण विभागातील सोडतीमध्ये ठाणे आणि कल्याण परिसरात सर्वाधिक घरे असणार आहेत. यामध्ये ठाण्यातील चितळसर येथील 1173 घरांचा समावेश असतो. म्हाडाला कल्याणमध्ये 2500 घरे मिलणार आहेत. याशिवाय, म्हाडाच्या गृहनिर्माण साठ्यातून मिळालेल्या घरांचाही यामध्ये समावेश करण्यात येईल.
मुंबईत 5 हजार हून अधिक घरे बांधणार
म्हाडाने 2025-26 च्या अर्थसंकल्पात राज्यभरात 19,497 घरे बांधण्याचे उद्दिष्ट ठेवले आहे. यात मुंबईतील 5,199 घरांचा समावेश आहे. यामुळे म्हाडा घर खरेदी करण्याच्या प्रतीक्षेत असलेल्या लोकांना दिलासा मिळेल. तर म्हाडाच्या अर्थसंकल्पात कोकण विभागात 9,902, पुण्यात 1,836, नागपूरमध्ये 692, छत्रपती संभाजी नगरमध्ये 1,608, नाशिकमध्ये 91 आणि अमरावतीमध्ये 169 घरे बांधण्याचे उद्दिष्ट आहे.