TRENDING:
समोर आलेल्या माहितीनुसार, तक्रारदाराविरुद्ध दाखल असलेल्या एका प्रकरणात गुन्हा दाखल करण्यासाठी पोलीस ठाण्यातील वरिष्ठ पोलीस निरीक्षक आणि त्यांच्या सहकाऱ्याने तीन लाख रुपयांची मागणी केली होती. यापैकी दोन लाख रुपये यापूर्वीच तक्रारदाराकडून स्वीकारण्यात आले होते. मात्र उर्वरित एक लाख रुपयांची रक्कम देण्यास तक्रारदाराने नकार देत थेट लाचलुचपत प्रतिबंधक विभागाकडे धाव घेतली.
advertisement
रोख रक्कम केली जप्त
तक्रारीची प्राथमिक चौकशी केल्यानंतर एसीबीने सापळा रचला. त्यानुसार, आज दुपारी तक्रारदाराकडून उर्वरित एक लाख रुपयांची लाच स्वीकारताना दोन्ही पोलीस अधिकाऱ्यांना रंगेहात पकडण्यात आले. कारवाईदरम्यान एसीबीच्या पथकाने आवश्यक पंचनामे करून रोख रक्कम जप्त केली असून, दोन्ही आरोपींना ताब्यात घेण्यात आले आहे.
नागरिकांकडून लाच उकळणाऱ्या अधिकाऱ्यांविरोधात कठोर कारवाई
या कारवाईनंतर पोलीस दलात खळबळ उडाली असून, प्रामाणिकपणाचा बुरखा पांघरून नागरिकांकडून लाच उकळणाऱ्या अधिकाऱ्यांविरोधात कठोर कारवाई केली जाणार असल्याचा इशारा एसीबीकडून देण्यात आला आहे. संबंधित प्रकरणी लाचलुचपत प्रतिबंधक कायद्यान्वये गुन्हा दाखल करण्यात आला असून, पुढील तपास सुरू आहे.
दरम्यान, मुंबईसारख्या महानगरात कायदा व सुव्यवस्था राखण्याची जबाबदारी सांभाळणाऱ्या पोलीस अधिकाऱ्यांकडूनच लाच मागितली जात असल्याने नागरिकांमध्ये तीव्र नाराजी व्यक्त होत आहे. अशा कारवायांमुळे भ्रष्टाचाराविरोधातील लढ्याला बळ मिळेल, अशी अपेक्षा व्यक्त केली जात आहे.