उपमुख्यमंत्री अजितदादा अडचणीत
राष्ट्रवादीचे अध्यक्ष आणि राज्याचे उपमुख्यमंत्री अजित पवार यांचे पुत्र पार्थ पवार यांच्यावर गंभीर आरोप झाला आहे. पार्थ पवार यांच्या मालकीच्या कंपनीने पुण्यातील कोरेगाव पार्क येथील 40 एकर सरकारी जमीन अत्यंत कमी किमतीत खरेदी केल्याचा दावा करण्यात आला आहे. या पार्श्वभूमीवर सरकारवर चहुबाजूने टीका होऊ लागल्यानंतर मुख्यमंत्री देवेंद्र फडणवीस यांच्याकडून पुणे तहसीलदार सूर्यकांत येवले यांचं निलंबन करण्यात आलं आहे.तर, दुसरीकडे पुणे तहसीलदार सूर्यकांत येवले तत्काळ प्रभावाने निलंबित करण्यात आले आहेत. हवेली क्रमांक तीनचे दुय्यम उपनिबंधक रविंद्र तारू निलंबित यांचेही निलंबन करण्यात आले आहे.
advertisement
तलाठी तहसीलदाराला पगार किती
या सगळ्या प्रकरणानंतर आता तहसिलदार आणि तलाठ्याला नेमका किती पगार असतो याची चर्चा होत आहे. साधारणपणे तलाठ्याला 25,000 ते 81,000 रुपयांच्या आसपास पगार असतो. तहसीलदाराचा महिन्याला पगार 55,000 ते 1 लाख 75000 पर्यंत असतो. याशिवाय तहसीलदाराला घरभाडे, वाहतूक भत्ता आणि इतर सरकारी भत्त्यांचे लाभ मिळतात. MPSC गट अ अंतर्गत या पदावर निवड केली जाते. त्यामुळे ज्यांना तहसीलदार व्हायचं आहे त्यांना MPSC गट अ अंतर्गत परीक्षा द्यावी लागणार आहे. मूळ वेतनासोबत भत्ते जोडल्यामुळे एकूण पगार 55,100 पेक्षा जास्त असतो. तलाठ्याला पगाराव्यतिरिक्त 2400 रुपयांचा ग्रेड पे मिळतो. 34 टक्के महागाई भत्ता आणि HRA 30 टक्के मूळ पगारावर आधारित मिळतो. तलाठी भरतीचे अर्ज निघतात तिथून अर्ज करता येतो. तलाठी भरतीसाठी किमान पदवीधर असणे आवश्यक आहे. तसेच, उमेदवारांना मराठी आणि हिंदी भाषांवर प्रभुत्व असणे आणि एमएससीआयटी (MS-CIT) किंवा समकक्ष पात्रता असणे गरजेचे आहे.
नेमकं प्रकरण काय आहे?
पार्थ पवारांच्या अमेडिया होल्डिंग्ज एलएलपी कंपनीनं घेतली जमीन
तब्बल 1804 कोटींची जमीन 300 कोटींना विकत घेतल्याचा आरोप
अमेडिया होल्डिंग्ज एलएलपीनं वतनाची जमीन घेतल्याचा आरोप
40 एकर जमिनीसाठी फक्त 500 रुपये स्टॅम्प ड्युटी दिल्याचा आरोप
केवळ दोन दिवसांतच स्टँप ड्युटी माफ करण्याचे आदेश
सध्याच्या बाजारभावानुसार 21 कोटी स्टँप ड्युटी भरणं अपेक्षित
सरकारी नियम वाकवून जमिनीची खरेदी झाल्याचा आरोप
अमेडिया कंपनीचं भांडवल अवघं 1 लाख रुपये
कोरेगाव पार्कमध्ये आयटी पार्क आणि डेटा सेंटर उभारण्याची तयारी
सरकारच्या परवानगीविना वतनाची जमीन विकता येत नाही
परवानगी न घेता विक्री झाली तर तो व्यवहार बेकायदेशीर ठरतो
महसूलमंत्री या जमीन जप्तीचे आदेश देणार?
उपमुख्यमंत्री अजित पवारांचे पुत्र पार्थ पवारांच्या अमेडीया होल्डिंग्स एलएलपी कंपनीने तब्बल १ हजार ८०४ कोटी रुपये बाजारभाव असलेली जमीन केवळ ३०० कोटी रुपयांत विकत घेतल्याचा गंभीर आरोप करण्यात आला. महत्त्वाचे म्हणजे या खरेदी व्यवहारानंतर केवळ दोन दिवसांतच स्टँप ड्युटी माफ करण्याचे आदेश देण्यात आल्याचा दावा देखील करण्यात आला आहे. तर स्टॅम्प ड्युटी म्हणून केवळ ५०० रुपये भरल्याचेही आरोप करण्यात आला. ही स्टँप ड्युटी माफ का करण्यात आली? असा सवाल माहिती अधिकार कार्यकर्ते विजय कुंभार यांनी केला.
मुंढवा परिसरात तब्बल 300 कोटींचा जमीन व्यवहार नोंदवला गेला. सध्याच्या बाजारभावानुसार या व्यवहारावर सुमारे 21 कोटींची स्टँप ड्युटी भरली जाणं अपेक्षित होतं. हा सवलतीचा निर्णय घेतला गेला कारण खरेदीदार महाराष्ट्राचे उपमुख्यमंत्री अजित पवार यांचा मुलगा पार्थ पवार आहे का?सामान्य नागरिक जेव्हा छोटा फ्लॅट घेतात, तेव्हा लाखो रुपयांची स्टँप ड्युटी भरावी लागते. मग कोट्यवधींच्या व्यवहारांमध्ये अशा “विशेष सूट” फक्त श्रीमंत आणि प्रभावशाली लोकांनाच का दिल्या जातात? असा सवाल त्यांनी केलाय.
हा व्यवहार १० कोटीच्या वरचा असल्याने EOW आणि ED ने ह्या प्रकरणाची चौकशी केली पाहिजे अशी मागणीही कुंभार यांनी केली. १ लाख रुपये Paid Up Capital असलेल्या कंपनीत ३०० कोटी कसे आले ? अनसेक्युअर्ड लोन होते की बँक लोन असेल तर कुठल्या डायरेक्टर ने दिले असे प्रश्न उपस्थित करण्यात आलेत.