TRENDING:
राज ठाकरे आणि एकनाथ शिंदे यांच्या गाठीभेटी, बैठका याआधीही झालेल्या आहेत. पण ठाकरे बंधूंची युती झाल्यानंतर राज ठाकरे प्रथमच एकनाथ शिंदे यांच्या भेटीला गेले आहेत. राज्यातील स्थानिक स्वराज्य संस्थांच्या निवडणुकांनंतरची ही पहिली भेट आहे. विधानसभा निवडणुकीनंतर खरं तर शिवसेना आणि मनसे यांच्या युतीच्या चर्चा रंगल्या होत्या. मात्र राज ठाकरे यांनी मोठे बंधू उद्धव ठाकरे यांना टाळी देत शिवसेना ठाकरे गट आणि मनसे यांची युती केली. पण ठाकरे बंधूंच्या युती नंतरही मनसे पक्षाला निवडणुकीत अपेक्षित यश काही मिळाले नाही.
advertisement
स्थानिक स्वराज्य संस्थांच्या निवडणुकांनंतर पहिली भेट
त्यामुळे आज एकनाथ शिंदे आणि राज ठाकरे यांच्यात होत असलेल्या बैठकीत राजकीय चर्चा होणारच यात शंका नाही. त्यातच कल्याण-डोंबिवली महापालिका निवडणूक निकालानंतर मनसेच्या नगरसेवकांनी शिवसेनेला पाठिंबा देत मोठा उलटफेर केला आहे. त्यामुळे आता मुंबई महापालिकेतील मनसेचे 6 नगरसेवक पुढील पाच वर्षात काय भूमीका घेणार याकडे देखील सर्वांचे लक्ष लागलं होते. दरम्ययान एकनाथ शिंदे आणि राज ठाकरे यांच्या भेटीची आतली बातमी समोर आली आहे.
भेटीत नेमकं काय घडलं?
राज ठाकरे आणि एकनाथ शिंदे यांच्यात सुमारे अर्धा ते पाऊण तास चर्चा झाली. ही भेट 'सदिच्छा भेट' असल्याचे सांगण्यात येत असले तरी, चर्चेचा मुख्य विषय कल्याण-डोंबिवली महापालिका निवडणुकीत मनसेच्या नगरसेवकांनी शिवसेनेला दिलेल्या पाठिंब्या बद्दल उपमुख्यमंत्री एकनाथ शिंदे यांनी मनसे अध्यक्ष राज ठाकरे यांचे आभार मानले. मनसे अध्यक्ष राज ठाकरे यांनीही उपमुख्यमंत्री एकनाथ शिंदे यांना महापालिका सभागृहातील कामकाजात मनसेचे सहकार्य राहील असे आश्वासन दिले आहे.
राज ठाकरेंनी केले कौतुक
तसेच यावेळी त्यांच्यासोबत विविध विषयावर चर्चा झाली. तसेच नंदनवन या बंगल्याच्या हेरिटेज वास्तूचे वेगळेपण जपत केलेल्या सुधारणांचे राज ठाकरे यांनी विशेष कौतुक केले. या बंगल्यात लावलेल्या मुंबईतील जुन्या हेरिटेज वास्तूंच्या फोटो फ्रेम्सची बारकाईने पाहणी केली, आणि जुन्या मुंबईच्या आठवणींना उजाळा दिल्याची माहिती एकनाथ शिंदे यांनी सोशल मीडियावर दिली.