TRENDING:
अशात सोशल मीडियावर एका विधवा महिलेचा देखील व्हिडीओ व्हायरल होत आहे. ज्यात ती महिला अजित पवारांनी केलेल्या मदतीची आठवण सांगत आहे. कठीण काळात अजित पवारांनी केलेल्या एका सहीमुळे आपलं आयुष्य कसं बदललं, याची माहिती ही महिला देत आहे. अजित पवारांच्या एका सहीवर आपण मागील १६ वर्षांपासून काम करत आहे. यामुळे माझ्या मुलाचं शिक्षण पूर्ण झालं. मुलगा आयटी इंजिनिअर झाला, अशी माहितीही ही महिला देताना दिसत आहे.
advertisement
व्हायरल व्हिडीओत महिला काय म्हणाली?
व्हायरल व्हिडीओत महिलेनं १६ वर्षांपूर्वी घडलेला प्रसंग सांगितला आहे. त्या म्हणाल्या की, "तेव्हा माझा मुलगा छोटा होता. मी सहयोग सोसायटीत अजितदादांना भेटायला गेली होती. मी त्यांना म्हटलं माझे मिस्टर वारले आहेत. दादा मला काम द्या. तेव्हा दादा म्हणाले, मी तुला आता व्हीपी कॉलेजवर काम देऊ शकत नाही. पण आपली टेक्स्टाईल पार्क उघडली आहे. तू तिथे जा. तेव्हा दादांनी मला एक सही करून कागद दिला. या सहीवर तू कुठेपण कामाला जा, असं त्यांनी सांगितलं."
"आज १५-१६ वर्षे झाली, मी दादांच्या त्या एका सहीवर काम करत आहे. दादांच्या याच व्हिपी कॉलेजमध्ये शिकून माझा मुलगा मोठा झाला. आज तो मुंबईतील कंपनीत आयटी इंजिनिअर आहे. त्याला आज पहिलंच सहा लाखाचं पॅकेज मिळालं आहे. ज्यावेळी दादांनी मला कामाला लावलं तेव्हा माझा मुलगा केवळ तीन वर्षांचा होता. आज तो आयटी इंजिनिअर आहे. हे सगळं केवळ दादांमुळे झालं. मला ना घरचा... ना माहेरचा... कसलाच आधार नव्हता. सगळा आधार हा दादांचा आधार आहे. आमच्या जीवात जीव असेपर्यंत आम्ही दादाला विसरू शकत नाही" असंही या व्हिडीओत म्हणत आहेत.
'दादांची आठवण उडत उडत पायाजवळ आली', बारामतीच्या सुनेनं शूट केला VIDEO, 70 लाख लोकांनी पाहिला
दुसरीकडे, बारामतीच्या एका सुनेनं दादांचा जिथे अपघात झाला होता. तिथला एक व्हिडीओ शूट केला आहे. ज्यात तिच्या पायाजवळ दादांची एक आठवण अर्थात जळालेला कागद उडत उडत आला आहे. याचा व्हिडीओ पाहण्यासाठी इथं क्लिक करा...