टाकाऊ मूर्तींपासून टिकाऊ कलाकृती, तृप्ती यांचा पर्यावरण पूरक उपक्रम, अश्या बनवतात वस्तू, Video

नाशिक : आपल्या घरातील देवघरात असलेल्या खंडित मूर्ती किंवा जुन्या फोटोंचे काय करायचे, हा प्रश्न अनेकांना पडतो. श्रद्धेपोटी लोक या वस्तू झाडाखाली किंवा गोदावरीच्या पात्रात विसर्जित करतात, ज्यामुळे जलप्रदूषण वाढते आणि शहराचे विद्रुपीकरण होते. हीच समस्या ओळखून नाशिकमधील अ‍ॅड. तृप्ती गायकवाड यांनी पर्यावरण संवर्धन आणि श्रद्धेची जोपासना करणारा एक अनोखा उपक्रम सुरू केला असून, त्यातून टाकाऊ वस्तूंपासून अत्यंत सुंदर आणि टिकाऊ शोभेच्या वस्तू घडवल्या जात आहेत.