हॅलो, उपचारासाठी पैसे पाठवलेत, चिपळूणच्या हवाई दलातील निवृत्त अधिकाऱ्यासोबत जे घडलं ते तुमच्यासोबतही घडू शकतं

हवाई दलातील निवृत्त अधिकाऱ्याला गंडवलं

उपचारासाठी पैसे पाठवल्याचा बहाणा करून हवाई दलातील माजी अधिकाऱ्याला सायबर फ्रॉड करणाऱ्यांना सपशेल फसवलं. मित्राचा आवाज काढून त्याच्या आवाजात फोन लावला आणि उपचारासाठी पैसे पाठवण्याचा बहाणा देत खात्यावरुन पैसे काढून घेतले. आपली फसवणूक झाली हे समजलं तोपर्यंत खूप उशीर झाला होता. खात्यावरुन रक्कम गेली होती. लाखो रुपये गेले होते. जे त्यांच्यासोबत घडलं ते तुमच्यासोबतही घडू शकतं.

advertisement

पैसे पाठवण्याच्या बहाण्याने खातं रिकामं केलं

या प्रकरणी चिपळूण पोलीस ठाण्यात गुन्हा दाखल करण्यात आला आहे. मूळ पुणे बाणेर इथले रहिवासी असलेले अरुण बापट यांना 1 ऑक्टोबर रोजी एक फोन आला. मित्राच्या आवाजात तुम्हाला उपचारासाठी पैसे पाठवले आहेत असं सांगितलं. ही रक्कम ऑनलाईन पद्धतीने त्याने उकळली आहे. 1 लाख 15 हजार रुपयांची रक्कम त्यांच्या खात्यावरुन उकाळली आहे. या प्रकरणी बापट यांनी तातडीनं पोलीस ठाण्यात धाव घेत संपूर्ण प्रकार सांगितला. अज्ञात व्यक्तीविरोधात गुन्हा दाखल करण्यात आला आहे.

चिपळूण पोलिसांचं आवाहन

दरम्यान या प्रकरणानंतर पोलिसांना सर्वांना आवाहन केलं आहे. वेगवेगळ्या मार्गाने सायबर फ्रॉड सुरू झाले आहेत. OTP, ऑनलाईन पैसे पाठवणे, KYC किंवा बँक ट्रान्सफर यासारख्या गोष्टींचा आधार घेऊन सायबर फ्रॉड सुरू आहेत. त्यामुळे अनोळखी लिंकवर क्लिक करू नका. कुणालाही तुमची माहिती OTP, आधार नंबर काहीही देऊ नका. ऑनलाईन खरेदी करताना सावध राहा असं आवाहन पोलिसांनी केलं आहे.