ट्रेकिंग करणाऱ्यांना हिमवादळाने घेरलं, माऊंट एव्हरेस्टवर 1000 लोक अडकले, अनेकांना हायपोथर्मियाचा त्रास

जगातील सर्वात उंच असलेल्या माऊंट एव्हरेस्टवर सुमारे १००० लोक अडकल्याची धक्कादायक घटना समोर आली आहे. हे सगळे लोक माऊंट एव्हरेस्टच्या अत्यंत दुर्गम समजल्या जाणाऱ्या तिबेटी स्लोप परिसरात होते. माऊंट एव्हरेस्टवर हिमवादळ धडकल्याने हे सर्व लोक अडकून पडले आहेत. प्रचंड वेगात वाहणारा वारा आणि आकाशात कोसळणाऱ्या बर्फामुळे या लोकांना हालचाल करणं कठीण झालं आहे. सर्वांना आपला जीव मुठीत घेऊन अडचणींचा सामना करावा लागला आहे. यातील अनेक ट्रेकर्संना हायपोथर्मियाचा त्रास होत असल्याची माहिती देखील समोर येत आहे.