Bollywood Richest Star Kid: बॉलिवूडमधील सर्वात श्रीमंत स्टार किड, 3130 कोटींचा मालक; अभिनयासोबतच बिझनेसचा बादशाह

बॉलीवूडमध्ये स्टार किड्सची भरमार आहे. अनेकांनी आई-वडिलांच्या पावलावर पाऊल ठेवत सिनेसृष्टीत प्रवेश केला. मात्र यातील काही हिट स्टार बनले तर काहींवर फ्लॉपचा शिक्का लागला. आज अशा एका स्टारकिडविषयी जाणन घेऊया जो बॉलिवूडमधला सर्वात रिचेस्ट स्टारकिड आहे.

बॉलिवूडमध्ये एकापेक्षा एक श्रीमंत स्टारकिड आहे. मात्र यातील एक स्टारकिड जो सर्वात जास्त श्रीमंत असून त्याने स्वतः ही संपत्ती कमावली. वडिलांची भरमसाठ संपत्ती असूनही त्याने स्वतःचं वेगळं साम्राज्य बनवलं.

आपण बोलत असलेला हा स्टारकिड अभिनेता दुसरा तिसरा कोणी नसून हृतिक रोशन आहे. फक्त राकेश रोशन यांचा मुलगा म्हणून नव्हे तर स्वतःच्या मेहनतीने आणि बुद्धीने त्याने प्रचंड संपत्ती आणि लोकप्रियता मिळवली आहे.

GQ इंडियाच्या अहवालानुसार, हृतिक रोशनची नेटवर्थ तब्बल 3130 कोटी रुपये आहे. म्हणजे तो केवळ बॉलीवूडमधील नाही, तर भारतातील सर्वात श्रीमंत स्टार किड ठरतो.

2000 साली आलेल्या कहो ना... प्यार है या चित्रपटाने हृतिकला एका रात्रीत सुपरस्टार बनवलं. त्यानंतर क्रिश, धूम 2, जोधा अकबर, जिंदगी ना मिलेगी दोबारा, वॉर असे हिटपट त्याने दिले. आज तो टॉप हिरोंच्या यादीत कायम दिसतो.

हृतिकचे पैसे फक्त चित्रपटांमधून येत नाहीत. तो ब्रँड एंडोर्समेंट्स, कुटुंबाचे फिल्मक्राफ्ट प्रॉडक्शन हाऊस आणि स्वतःचा फिटनेस-ब्रँड HRX मधूनही कमाई करतो. फायनान्शियल एक्सप्रेसनुसार, HRX ब्रँडची किंमत तब्बल 7300 कोटी रुपये आहे. यावरून स्पष्ट होते की हृतिक फक्त अभिनेता नाही, तर एक स्मार्ट बिझनेसमन आहे.

हृतिक मुंबईतील समुद्रासमोरील आलिशान घरात राहतो. त्याच्याकडे लोणावळ्याला आलिशान फार्महाऊस आहे.गाड्यांचा त्याचा कलेक्शनही भन्नाट आहे रोल्स-रॉइस घोस्ट सिरीज 2, मर्सिडीज मेबॅक, मासेराती स्पायडर या सुपर लक्झरी कार्स त्याच्याकडे आहेत.