महिलांनो, पार्टनर निवडण्यापूर्वी 'ही' एक गोष्ट नक्की तपासा; सुखी नात्यासाठी पैसा नाही, तर 'हे' जास्त महत्त्वाचं!

आपल्या पार्टनरमध्ये कोणते गुण असावेत, याचा विचार करताना आपण अनेकदा स्वभाव, रूप आणि आर्थिक स्थिरता यावर लक्ष केंद्रित करतो. पण, तुमच्या पार्टनरचा बुद्ध्यांक (IQ) तुमच्या नात्याला यशस्वी बनवू शकतो, असा विचार तुम्ही कधी केला आहे का? कदाचित नाही, पण नुकत्याच झालेल्या एका अभ्यासानुसार, एका आनंदी आणि निरोगी नात्याचा पाया तुमच्या पार्टनरच्या बुद्धिमत्तेशी जोडलेला असू शकतो. अमेरिकेतील ओकलँड युनिव्हर्सिटीच्या मानसशास्त्रज्ञांनी केलेल्या या संशोधनाने प्रेमाच्या नात्यामागील एक गुपित उलगडले आहे, ज्याचे निष्कर्ष खूपच रंजक आहेत.