MHADA : आता लॉटरीतलं घर कधीही विकता येणार? MHADA मोठ्या निर्णयाच्या तयारीत

तरीही म्हाडामधील सूत्रांच्या माहितीनुसार या अटीत बदल करण्याची तयारी सुरू आहे. लवकरच म्हाडाच्या सोडतीतील घरांचा ताबा मिळाल्यानंतर विजेत्यांना किंवा गाळेधारकांना ते घर आवश्यकतेनुसार विकण्याची मुभा दिली जाऊ शकते. यासाठी प्राधिकरणाकडे प्रस्ताव तयार करून सादर करण्याच्या प्रक्रियेत हालचाली सुरू आहेत. जर हा प्रस्ताव मान्य झाला तर म्हाडाची घरे लगेच विकली जाऊ शकतील ,ज्यामुळे मूळ गरजूंना घरे देणे प्रभावित होण्याची शक्यता आहे.

म्हाडाने घर विकण्यावरील अटी पूर्वीही बदलल्या आहेत. सुरुवातीला घर मिळाल्यानंतर 10 वर्षे विकता येत नव्हते. बेकायदेशीररीत्या घरांची विक्री होण्याचे प्रकार समोर आल्यामुळे ही अट रद्द करण्यात आली. त्यानंतर 5 वर्षांची अट लागू करण्यात आली होती. सध्या ज्या घरांचा ताबा लाभार्थ्याला मिळतो. ते पुढील पाच वर्षे विकता येत नाहीत. मात्र, मोठ्या संख्येने घर विक्री प्रक्रियेत असल्यामुळे घर खरेदी करणाऱ्यांना अडचणी येत असल्याचा मुद्दा उपस्थित झाला आहे. या पार्श्वभूमीवर आता पाच वर्षांची अट रद्द करण्याबाबत चर्चा सुरू झाली आहे.