6,6,6,6,4,6,6.... 14 वर्षांच्या Vaibhav Suryavanshi ने ऑस्ट्रेलियाला रचला इतिहास, ठोकलं खणखणीत शतक!

युवा बॅट्समनसाठी ऑस्ट्रेलियाचा दौरा नेहमीच कठीण मानला जातो, पण वैभव सूर्यवंशीने हा दौरा एकदम सोपा करून दाखवला आहे. वैभवने केवळ रन्स केले नाहीत, तर त्याने वेगाने स्कोरबोर्ड पुढे नेला. इंडिया अंडर-19 टीमसाठी खेळताना वैभवने बुधवारी 86 बॉल्समध्ये एकूण 113 रन्सची आक्रमक इनिंग खेळली. हेडन सिलरच्या बॉलवर तो बाद झाला, पण पॅव्हेलियनमध्ये परतण्यापूर्वी त्याने 8 फोर आणि 7 सिक्स लगावत कंगारू बॉलर्सची जोरदार धुलाई केली.

वैभव सूर्यवंशीच्या या दमदार इनिंगमुळे एक मोठा विक्रम मोडला आहे. त्याने केलेला 78 बॉल्समधील शतक हे युथ टेस्टमध्ये ऑस्ट्रेलियाच्या भूमीवरचा सर्वात जलद शतक ठरलं आहे. इतकेच नाही, तर 100 पेक्षा कमी बॉल्समध्ये दोन युथ टेस्ट शतक झळकावणारा तो न्यूझीलंडचा महान बॅट्समन ब्रेंडन मॅक्युलम याच्यानंतरचा पहिला खेळाडू बनला आहे. यापूर्वी 2024 मध्ये त्याने ऑस्ट्रेलिया अंडर-19 विरुद्ध 58 बॉल्समध्ये शतक केले होते.

विशेष म्हणजे, 14 वर्षांच्या वयात ही कामगिरी करणारा तो जगातील सर्वात कमी वयाचा खेळाडू आहे. या वर्षाच्या सुरुवातीला 14 वर्षांच्या वयात त्याने 35 बॉल्समध्ये आयपीएलमध्ये शतक केले होते. युथ टेस्टमध्ये भारतासाठी सर्वाधिक सिक्स मारणाऱ्यांच्या यादीतही वैभवने आता पहिला क्रमांक मिळवला आहे. आपल्या या शानदार इनिंगमध्ये 8 सिक्स मारून त्याने कॅप्टन आयुष म्हात्रेचा जुना विक्रम सहज मोडला. वैभवच्या नावावर आता युथ टेस्टमध्ये एकूण 15 सिक्सची नोंद झाली आहे. त्याने अलीकडेच ऑस्ट्रेलिया अंडर-19 विरुद्धच्या दुसऱ्या युथ वनडेमध्ये उन्मुक्त चंदचा सर्वाधिक सिक्स 38 मारण्याचा विक्रमही मोडला होता.