Chanakya Niti : संकट, अडचण काहीही असो; चाणक्यनीतीत दिलाय त्यातून बाहेर पडण्याचा मार्ग

चढ-उतार प्रत्येकाच्या आयुष्यात येतात. कधीकधी परिस्थिती अनुकूल असते तर कधीकधी आव्हानांनी भरलेली असते. आचार्य चाणक्य यांनी त्यांच्या नीतीमध्ये अशी अनेक तत्त्वे सांगितली आहेत जी कठीण परिस्थितीत तुम्हाला मजबूत बनवतील.

चाणक्य म्हणतात संकटाच्या वेळी संयम सर्वात महत्त्वाचा असतो. घाईघाईने घेतलेला निर्णय आणखी मोठ्या संकटाला कारणीभूत ठरू शकतो. संयम समस्यांवर उपाय शोधण्याचा मार्ग मोकळा करतो. प्रतिकूल परिस्थितीत आत्मसंयम हाच माणसाला बलवान बनवतो. राग, क्रोध आणि निराशा केवळ अडचणी वाढवतात. अशा वेळी संयम ही यशाची गुरुकिल्ली आहे.

कठीण परिस्थितीत, तुमच्या योजना किंवा रणनीती सर्वांना सांगणं योग्य नाही. चाणक्य म्हणतात की काम पूर्ण होईपर्यंत तुम्ही तुमच्या योजना गुप्त ठेवाव्यात. यामुळे यश मिळण्याची शक्यता वाढते.

चाणक्य यांनी आपल्याला वेळेचा सुज्ञपणे वापर कसा करायचा हे देखील शिकवलं. योग्य वेळी योग्य निर्णय घेतल्याने केवळ संकट टाळता येत नाही तर नवीन संधी देखील उपलब्ध होतात असा त्यांचा युक्तिवाद होता.

चाणक्यचा असा विश्वास होता की प्रत्येक संकट माणसाला अधिक मजबूत आणि अनुभवी बनवतं. कठीण परिस्थिती आपल्याला केवळ संयम शिकवत नाही तर भविष्यात चांगले जीवन जगण्याची प्रेरणा देखील देते.