TRENDING:एका घटनेनं बदललं आयुष्य
दादासाहेब भगत यांचा जन्म बीड जिल्ह्यातील ऊसतोड मजुरांच्या कुटुंबात झाला. वर्षातील सहा महिने शाळा आणि सहा महिने ऊसतोडणी असे त्यांचे बालपण गेले. कठीण परिस्थितीतही त्यांनी ITI पर्यंत शिक्षण पूर्ण केलं. त्यानंतर कामाच्या शोधात ते पुण्यात आले. सुरुवातीला त्यांना 4 हजार रुपये पगाराची नोकरी मिळाली. पुढे त्यांनी इन्फोसिसमध्ये ऑफिस बॉय म्हणून काम केले, जिथे 9 हजार पगार होता. साफसफाई आणि गेस्ट हाऊसशी संबंधित कामे ते करत होते. याच काळात मेहनत आणि कौशल्यातील फरक त्यांना समजला. ही घटना त्यांच्या आयुष्याला टर्निंग पॉईंट देणारी ठरली.
advertisement
Success Story : शेतकऱ्यानं लावलं डोकं, केली चेकनेट बोरांची शेती, 7 लाखांचा मिळाला नफा
कोडिंग आणि ग्राफिक्स शिकले...
इन्फोसिसमध्ये काम करत असतानाच दादासाहेब भगत यांनी शिकणं सुरू ठेवलं. दिवसा नोकरी आणि वेळ मिळेल तेव्हा शिक्षण असा त्यांचा दिनक्रम होता. त्यांनी ग्राफिक्स डिझायनिंग आणि ॲनिमेशन शिकले. यामुळे त्यांना मुंबईत नोकरी मिळाली. पुढे मुंबईत काम करत असताना त्यांनी C++ आणि Python शिकले.
ऑफिस बॉय ते कंपनीचे सीईओ
दादासाहेब भगत यांना डिझाइन आणि ग्राफिक्समध्ये पुन्हा वापरता येणाऱ्या टेम्पलेट्सवर काम करण्याची कल्पना सुचली. त्यांनी ही टेम्पलेट्स ऑनलाइन विकायला सुरुवात केली. त्याच काळात त्यांचा बाईक अपघात झाला आणि काही महिने विश्रांती घ्यावी लागली. त्यानंतर त्यांनी Design Template ही कंपनी सुरू केली. कोरोना काळात ते गावी गेले, गावातील तरुणांना प्रशिक्षण देत गाईच्या गोठ्यात ऑफिस सुरू केले. या कामाची दखल मन की बात कार्यक्रमात घेतली गेली. यानंतर त्यांनी Bhaktavatsal Production’ही कंपनी सुरू केली. एका ऑफिस बॉयपासून सुरू झालेला प्रवास आज 6 कोटींपेक्षा जास्त उलाढालीपर्यंत पोहोचला आहे.