EPFO अकाउंटवर पैसे किती जमा होतात, इंटरनेट नसतानाही कसं करायचं चेक?

यासोबतच, UAN सोबत नोंदणीकृत आणि सक्रिय असलेला मोबाईल नंबर असणेही अनिवार्य आहे. जर या दोन्ही गोष्टी पूर्ण असतील, तर खातेदार केवळ एका मिस्ड कॉलच्या माध्यमातून आपल्या पीएफ बॅलन्सची माहिती मिळवू शकतात. यासाठी त्यांनी आपल्या नोंदणीकृत मोबाईल क्रमांकावरून 9966044425 या क्रमांकावर मिस्ड कॉल द्यायचा आहे. विशेष म्हणजे, दोन रिंगनंतर हा कॉल आपोआप कट होईल आणि त्यानंतर काही वेळातच एसएमएसद्वारे त्यांच्या पीएफ खात्यातील शिल्लक रक्कम त्यांना कळवली जाईल.

advertisement

ज्या खातेदारांना एसएमएसद्वारे पीएफ बॅलन्सची माहिती हवी आहे, त्यांच्यासाठीही EPFO ने सोपा पर्याय उपलब्ध करून दिला आहे. त्यांनी आपल्या नोंदणीकृत मोबाईल क्रमांकावरून ७७३८२९९८९९ या क्रमांकावर एक विशिष्ट फॉरमॅटमध्ये मेसेज पाठवायचा आहे. मेसेजचा फॉरमॅट ‘EPFOHO UAN’ असा आहे. उदाहरणार्थ, जर एखाद्या खातेदाराचा UAN क्रमांक १२३४५६७८९१०१ असेल, तर त्यांनी ‘EPFOHO 123456789101’ असा मेसेज पाठवायचा आहे. यासोबतच, खातेदारांना त्यांच्या सोयीनुसार भाषेची निवड करण्याची संधीही मिळाली आहे.

मराठीमध्ये माहिती मिळवण्यासाठी ‘EPFOHO UAN MAR’ असा मेसेज पाठवावा लागेल. हिंदी, इंग्रजी, पंजाबी, गुजराती, बंगाली, कन्नड, तमिळ, तेलुगु आणि मल्याळम यांसारख्या अन्य भाषांमध्ये माहिती मिळवण्यासाठी संबंधित भाषेचा कोड वापरून मेसेज पाठवता येईल. मेसेज पाठवल्यानंतर काही क्षणातच खातेदारांना त्यांच्या पीएफ खात्याची सविस्तर माहिती एसएमएसद्वारे प्राप्त होईल. EPFO ची ही नवीन सुविधा विशेषतः नोकरी करणाऱ्या कर्मचाऱ्यांसाठी, मोबाईल वापरण्यात सोयीस्कर असलेल्या नागरिकांसाठी आणि ज्यांना नेट बँकिंग किंवा EPFO पोर्टल वापरण्यास अडचणी येतात, अशा वयोवृद्ध किंवा ग्रामीण भागातील खातेदारांसाठी अत्यंत उपयुक्त ठरणार आहे.

खातेदारांनी हे लक्षात घेणे आवश्यक आहे की ही सेवा केवळ EPFO सोबत लिंक असलेल्या UAN नंबरसाठीच उपलब्ध आहे आणि कॉल किंवा मेसेज केवळ त्यांच्या नोंदणीकृत मोबाईल नंबरवरूनच पाठवणे गरजेचे आहे. ही सुविधा २४ तास आणि आठवड्याचे सातही दिवस उपलब्ध आहे, त्यामुळे खातेदार कोणत्याही वेळी याचा लाभ घेऊ शकणार आहेत.