रेमंड सम्राटाची एक्झिट! विजयपत सिंघानिया यांचे मुंबईत निधन; हॉट एअर बलूनचा जागतिक रेकॉर्ड करणारे पद्मभूषण उद्योगपती काळाच्या पडद्याआड

विजयपत सिंघानिया यांचे निधन झाले असून त्यांच्या अंत्यसंस्कार रविवारी करण्यात येणार आहेत, अशी माहिती पीटीआयने दिली आहे.

पद्मभूषण पुरस्काराने सन्मानित असलेले विजयपत सिंघानिया हे केवळ रेमंडमधील त्यांच्या नेतृत्वासाठीच नव्हे, तर विमानचालनाविषयीच्या त्यांच्या उत्कटतेसाठीही ओळखले जात होते. त्यांनी हॉट एअर बलूनद्वारे सर्वाधिक उंची गाठण्याचा जागतिक विक्रमही प्रस्थापित केला होता.

सुमारे दोन दशकांपर्यंत त्यांनी रेमंडचे अध्यक्ष म्हणून नेतृत्व केले. 2000 साली त्यांनी कंपनीची सूत्रे गौतम सिंघानिया यांच्याकडे सोपवली. त्यांनी आपल्या मालकीतील कंपनीतील संपूर्ण 37 टक्के हिस्सा देखील मुलाकडे हस्तांतरित केला होता. यानंतर विजयपत सिंघानिया आणि गौतम सिंघानिया यांच्यात काही कायदेशीर वाद निर्माण झाले होते मात्र ते नंतर सोडवण्यात आले.

advertisement