मुंबई: एका कर्मचाऱ्याच्या आजोबांचे निधन झाल्यानंतर सुट्टीसाठी केलेल्या विनंतीवर मॅनेजरने व्हॉट्सॲपवर दिलेल्या असंवेदनशील उत्तरामुळे मोठा वाद निर्माण झाला आहे आणि 'टॉक्सिक वर्कप्लेस कल्चर' यावर सोशल मीडियावर संताप व्यक्त होत आहे. 'इंडियनवर्कप्लेस' (IndianWorkplace) फोरमवर संबंधित कर्मचाऱ्याने व्हॉट्सॲप संभाषणाचा स्क्रीनशॉट शेअर केल्यानंतर ही घटना उघडकीस आली.
advertisement
कर्मचाऱ्याने मॅनेजरला मेसेज केला होता. गुड मॉर्निंग सर, काल रात्री माझ्या नानांचे (आजोबांचे) निधन झाले आहे, त्यामुळे मी आज ऑफिसला येऊ शकणार नाही. मॅनेजरने सुरुवातीला सहानुभूती दर्शवली, पण लगेचच कर्मचाऱ्याला व्हॉट्सॲपवर उपलब्ध राहण्याची आणि कामात मदत करण्याची अपेक्षा व्यक्त केली. मॅनेजरचे उत्तर होते, हे ऐकून वाईट वाटले. आज सुट्टी घे. पण आज आम्ही काही क्लायंट्सचे ऑनबोर्डिंग करत आहोत. तू इंडक्शन कॉलवर राहू शकतोस का? तसेच व्हॉट्सॲपवर ॲक्टिव्ह राहा आणि गरज पडेल तेव्हा डिझायनर्सना मदत कर.
Do you have to sell your soul to be an Indian manager?
हा स्क्रीनशॉट शेअर करताना कर्मचाऱ्याने आपला संताप व्यक्त केला. गेली दोन वर्षे मी या एजन्सीमध्ये काम करत आहे. त्यांनी माझे रोल्स बदलले, माझ्या क्षमतेबाहेरचे काम दिले आणि 'फंड कमी' असल्यामुळे अनेक लोकांना काढून टाकल्यावर माझे काम वाढवले. पण मी कधीच तक्रार केली नाही. मला माझे काम आवडायचे. पण हे तर संतापजनक आहे. माझे काम करण्यासाठी तुमच्याकडे दुसरे कोणी नाही, यात माझा दोष कसा? मॅनेजर लोक विसरतात की आम्ही माणसे आहोत, केवळ रिझल्ट देणारी मशीन नाही.
मॅनेजरच्या या उत्तराचा सोशल मीडियावर मोठ्या प्रमाणावर निषेध करण्यात आला. अनेकांनी या वर्तनाला 'हृदयहीन' (Heartless) ठरवले आणि हे दर्शवते की काही कामाच्या ठिकाणी कर्मचाऱ्यांकडून वैयक्तिक दु:खाच्या वेळीही सातत्याने उपलब्ध राहण्याची अपेक्षा ठेवली जाते. अनेक युजर्सनी कर्मचाऱ्याबद्दल सहानुभूती व्यक्त केली आणि "तुम्ही सुट्टी घेऊ शकता" या वाक्यामागे कधीही 'पण' (But) नसावे, असे सांगत नोकरी सोडण्याचा सल्ला दिला. कर्मचाऱ्याने नंतर सूचित केले की तो मॅनेजरला आता उत्तर देणार नाही आणि पगार जमा होण्याची वाट बघून औपचारिक राजीनामा देण्याचा विचार करत आहे.
एका युजरने लिहिले, तुमचे नुकसान झाल्याबद्दल माफी मागतो. तुम्ही आता एक मर्यादा आखली पाहिजे आणि मॅनेजरला त्याचे वागणे किती चुकीचे आहे हे सांगितले पाहिजे, अन्यथा तो हेच वागणे दुसऱ्या कर्मचाऱ्यासोबतही करेल. दुसऱ्या युजरने म्हटले, यापुढे दुसरी नोकरी शोधा आणि राजीनामा देताना तो स्क्रीनशॉट ईमेलमध्ये जोडून सीईओ आणि मॅनेजमेंटला मार्क करा. कदाचित त्याने काही बदलणार नाही, पण त्यांना विचार करण्यास भाग पाडेल. तर एका अन्य युजरने अनुभवावर आधारित सल्ला दिला, एका गोष्टी मी शिकलो, ती म्हणजे कधीही कुठल्याही संस्थेशी निष्ठावान राहू नका, कारण व्यवसायात कोणत्याही व्यक्तीसाठी भावनांना स्थान नसते.