मनीकंट्रोलच्या एका बातमीनुसार, Dream11 ची मूळ कंपनी ड्रीम स्पोर्ट्स, गेम्सक्राफ्ट, मोबाइल प्रीमियर लीग (एमपीएल), झुपी आणि प्रोबो यासारख्या भारतातील मोठ्या ऑनलाइन गेमिंग कंपन्यांनी अलीकडेच त्यांच्या यूझर्सना उपलब्ध असलेल्या रिअल मनी गेमिंग बंद करण्यास सुरुवात केली आहे. संसदेत ऑनलाइन गेमिंग विधेयक 2025 मंजूर झाल्यानंतर हे पाऊल उचलण्यात आले. या कायद्यानुसार, आता कोणताही गेम ज्यामध्ये खेळाडू पैसे जमा करतो आणि जिंकण्याची आशा करतो तो बेकायदेशीर मानला जाईल.
advertisement
e-पासपोर्ट झाला भारतात लॉन्च! पाहा अर्ज कसा करायचा, फायदे काय
कोणत्या कंपनीने कोणत्या सेवा बंद केल्या?
ड्रीम स्पोर्ट्सने त्यांच्या नवीन अ‍ॅप्स ड्रीम पिक्स आणि ड्रीम प्ले वर चालणाऱ्या सर्व पे टू प्ले स्पर्धा बंद केल्या आहेत. कंपनीने म्हटले आहे की सर्व खेळाडूंचे पैसे सुरक्षित आहेत आणि ड्रीम 11 अ‍ॅपमधून कधीही काढता येतात. येणाऱ्या काळात, ड्रीम 11 च्या मुख्य अ‍ॅपवर देखील ही बंदी लागू केली जाऊ शकते. ही माहिती असावी की, आर्थिक वर्ष 23 मध्ये कंपनीने 188 कोटी रुपयांचा नफा आणि 6,384 कोटी रुपयांचा महसूल नोंदवला होता.
MPL ने सर्व पैशांचे गेम देखील बंद केले आहेत. खरंतर, ज्या खेळाडूंच्या खात्यात बॅलेन्स आहे ते ते सहजपणे काढू शकतात. कंपनी आता फक्त मोफत गेमिंग अनुभवावर लक्ष केंद्रित करेल. MPL कडे क्विझ, कोडी आणि बोर्ड गेमसह 60 हून अधिक गेम आहेत. कंपनीने सांगितले की, त्यांचे ध्येय अजूनही जगातील सर्वात मोठे "फ्री टू प्ले" गेमिंग प्लॅटफॉर्म बनणे आहे.
Petrol Pump वर तुम्ही शून्य पाहत राहता अन् होतो तुमचाच 'गेम', पाहा कसा
गेमक्राफ्टने RummyCulture सारख्या त्यांच्या रमी अ‍ॅप्सवरील अ‍ॅड कॅश आणि गेमप्ले सेवा देखील बंद केल्या आहेत. कंपनीने स्पष्टपणे सांगितले की खेळाडूंचे पैसे पूर्णपणे सुरक्षित आहेत आणि ते काढता येतात. आर्थिक वर्ष 24 मध्ये कंपनीने 947 कोटी रुपयांचा नफा कमावला होता.
झूपीने 21 ऑगस्टपासून त्यांचे पेड गेम बंद करण्याची घोषणा देखील केली आहे, परंतु लुडो सुप्रीम, स्नेक्स अँड लॅडर्स आणि ट्रम्प कार्ड मॅनिया सारखे त्यांचे मोफत गेम पूर्वीसारखेच सुरू राहतील. कंपनीचे 150 दशलक्षाहून अधिक यूझर आहेत, जे आता फक्त मोफत गेमचा आनंद घेऊ शकतील.
Proboही त्यांचे रिअल मनी गेम ऑपरेशन्स तात्काळ बंद केले आहेत. कंपनीने म्हटले आहे की, ते सरकारच्या निर्णयाचा आदर करते आणि भविष्यात भारतातून नवीन इनोवेशन जगासमोर आणण्यासाठी काम करत राहील.
नवीन कायद्याचे उल्लंघन केल्यास तीन वर्षांचा तुरुंगवास किंवा 1 कोटी रुपयांपर्यंत दंड होऊ शकतो. हे लक्षात घेण्यासारखे आहे की रिअल मनी गेम उद्योगाने आर्थिक वर्ष 24 मध्ये 2.4 अब्ज डॉलर्स कमावले. जे भारताच्या संपूर्ण गेमिंग क्षेत्राच्या 3.8 बिलियन डॉलरच्या कमाईचा मोठा भाग आहे.