रिस्क आहे पण फायदाही
या योजना मार्केट रिस्कपासून दूर आहेत आणि त्यातून चांगले रिटर्न्सही मिळतात. पोस्टाने पेन्शनची गरज असलेल्या नागरिकांसाठी एक योजना सुरू केलेली आहे. 'पोस्ट ऑफिस मासिक उत्पन्न योजना' (पीओएमआयएस) असं या योजनेचं नाव आहे. या योजनेत एकाच वेळी पैसे जमा करून दरमहा पेन्शनच्या स्वरूपात उत्पन्न मिळवू शकता. सुरक्षित गुंतवणूक आणि नियमित उत्पन्न शोधणाऱ्यांसाठी ही योजना अतिशय चांगली मानली जाते.
advertisement
Post Office KVP Scheme: 115 महिन्यात पैसे डबल, हा स्कॅम नाही, सामन्यांसाठी फायद्याचा सौदा, असं आहे पैशांचं गणित
पीओएमआयएसमध्ये तुम्हाला पाच वर्षांसाठी एकदाच ठराविक रक्कम जमा करावी लागते. या कालावधीत तुम्हाला तुमच्या गुंतवणुकीवर मासिक उत्पन्न म्हणून व्याज मिळते. ही योजना ग्रामीण आणि शहरी दोन्ही भागांतील नागरिकांसाठी उपलब्ध आहे. योजनेचा लाभ घेण्यासाठी पोस्ट ऑफिसमध्ये खातं उघडावं लागतं. जवळच्या पोस्ट ऑफिसमध्ये आवश्यक ती कागदपत्रं जमा केल्यास लगेच खातं सुरू होऊ शकतं. खातं सुरू करण्यासाठी आधार कार्ड, पॅन कार्ड, मोबाईल नंबर आणि दोन पासपोर्ट साईजचे फोटो इत्यादी कागदपत्रं लागतात.
किती मिळतं व्याज?
या योजनेवर सध्या 7.4 टक्के व्याजदर दिला जातो. विशेष म्हणजे यामध्ये टीडीएस कपात होत नाही. त्यामुळे आपलं संपूर्ण उत्पन्न आपल्याकडेच राहतं. भारतीय टपाल विभागाच्या इतर बचत योजनांप्रमाणे या योजनेलाही सरकारचा पाठिंबा आहे. त्यामुळे गुंतवणूकदारांना अतिरिक्त संरक्षण मिळतं.
बँकेपेक्षा जास्त व्याज देते Post Office ची ही स्कीम, चान्स मिस केलात तर होईल पश्चाताप
कशी करायची गुंतणूक?
एक हजार रुपयांपासून या योजनेतील गुंतवणूक सुरू केली जाऊ शकते. एका खात्यात जास्तीत जास्त नऊ लाख रुपये आणि संयुक्त खात्यात 15 लाख रुपयांपर्यंत गुंतवणूक केली जाऊ शकते. एका खात्यात नऊ लाख रुपये गुंतवल्यास सध्याच्या 7.4 टक्के व्याजदरानुसार दरमहा 5,500 रुपये उत्पन्न मिळेल. ही रक्कम पुढील पाच वर्षांसाठी नियमितपणे मिळेल. जर तुमच्याकडे निवृत्तीनंतर नियमित उत्पन्नाची कोणतीही सोय नसेल तर तुम्ही पोस्टाच्या या योजनेत एकरकमी गुंतवणूक करून स्वतःसाठी नियमित आर्थिक उत्पन्नाची व्यवस्था करू शकता.