अर्थमंत्री सीतारामन यांना लिहलेल्या पत्रात सुकेशने त्याच्या परदेशातील व्यवसायाची माहिती दिली आहे. या व्यवसायांमध्ये एलएस होल्डिंग्स इंटरनॅशनल आणि स्पीड गेमिंग कॉर्पोरेशन यांची अनुक्रमे अमेरिकेत आणि ब्रिटिश व्हर्जिन आयलंड्स येथे नोंदणी आहे. ऑनलाइन आणि ऑफलाइन गेमिंग व बेटिंगशी संबंधित हे व्यवसाय 2016पासून कार्यरत आहेत. 2024 साली या व्यवसायांनी 2.7 अब्ज डॉलर्सची उलाढाल केली आहे. या व्यवसायाचे कार्यक्षेत्र अमेरिका, स्पेन, इंग्लंड, दुबई आणि हाँगकाँगपर्यंत विस्तारले आहे.
advertisement
आई-आजी समोर नगरसेवकाच्या मुलाला नग्न करून मारहाण, प्रकरण PM मोदींपर्यंत पोहोचले
सुकेशने या पत्रात भारतात सुरू असलेल्या आयकर वसूली प्रकरणावर तडजोड करण्याची तयारी दाखवली आहे. त्याने 2024 मधील परदेशातील उत्पन्नावर लागू होणारे भारतीय कर भरण्याची तयारी असल्याचे म्हटले आहे. ही रक्कम 7 हजार 640 कोटी इतकी आहे. सुकेशने ही रक्कम भारतातील टेक आणि अॅडव्हान्स ऑनलाइन गेमिंग बिझनेसमध्ये गुंतवण्याचा प्रस्ताव दिला आहे.
केंद्र सरकारच्या कर्मचाऱ्यांना मिळणार ४२ दिवसांची स्पेशल सुट्टी, अशा आहेत अटी
ईडीकडून 200 कोटी रुपयांच्या मनी लॉन्डरिंग प्रकरणात सुकेश चंद्रशेखर मुख्य आरोपी आहे. त्याच्यावर दिल्ली पोलिसांच्या आर्थिक गुन्हे शाखेकडून तसेच इतर तपास यंत्रणांकडून अनेक आरोप करण्यात आले आहेत. ईडीने दाखल केलेले प्रकरण हे दिल्ली पोलिसांनी दाखल केलेल्या आर्थिक गुन्ह्या संदर्भातील आहे.ज्यात रिलिगेअर एंटरप्रायजेसच्या माजी प्रवर्तकाच्या पत्नी जपना सिंग आणि अदिती सिंग यांची फसवणूक आणि खंडणी वसूली संबंधित आहे. या दोघांनाही रिलिगेअर फिनवेस्ट लिमिटेडमधील निधी गैरव्यवहार प्रकरणात न्यायालयीन कोठडीत सुनावण्यात आली आहे.
फिल्डरचा प्रताप पाहून संघातील खेळाडूंवर तोंड लपवण्याची वेळ, Video
चंद्रशेखर आणि त्याची पत्नी अभिनेत्री लीना मारिया पॉल या दोघांना दिल्ली पोलिसांनी फसवणूक प्रकरणी अटक केली होती. या ED आणि दिल्ली पोलिसांच्या तपासादरम्यान बॉलिवूड अभिनेत्री जॅकलीन फर्नांडिस, नोरा फतेही आणि इतर व्यक्तींची नावे समोर आली होती.